Россия президенти Владимир Путиннинг 9 майдаги ўтган ва бу йилги нутқи ўртасидаги ўхшашлик ва фарқлар таққосланди. BBCнинг Европа бўлими муҳаррири Пол Кирби тегишли солиштирувни эълон қилди.
Кирбининг сўзларига кўра, Путиннинг Ғалаба куни ҳарбий параддаги асосий фикрини олдиндан айтиш мумкин эди. Россия раҳбари 1940 йиллардаги фашизмга қарши кураш ва бугунги Россиянинг Украинадаги ҳарбий ҳаракатлари ўртасида ўхшашлик кўрсатиши керак эди.
“У буни ватанга муҳаббат, ҳалок бўлганлар хотираси, Россиянинг дунё ёвузлигига қарши курашдаги махсус миссияси ҳақидаги иборалар кўринишида амалга оширди”, — дейди Кирби.
Путин, шунингдек, “ҳақиқий уруш” кетаётгани, лекин у буни Россия бошлаган уруш сифатида эмас, балки аксинча талқин этди.
“Бугун цивилизация яна ҳал қилувчи бурилиш палласида, ватанимизга қарши ҳақиқий уруш бошланди. Лекин биз халқаро терроризмни даф қилдик, Донбасс аҳолисини ҳимоя қиламиз, хавфсизлигимизни таъминлаймиз”, — деган Путин парадда.
Бу унинг 2022 йилдаги нутқидан унчалик фарқ қилмади, ўшанда Россия раҳбари НАТО ва Ғарбни Украинадаги вазиятни муқаррар қилиб қўйганликда айблаганди, бу йил эса Путин Ғарбни Россияга нисбатан нафрат уйғотиш ва оилавий қадриятларни йўқ қилишда айбламоқда.
Путиннинг нутқини Ғалаба паради учун Москвага келган собиқ СССРнинг етти давлати — Арманистон, Беларусь, Қозоғистон, Қирғизистон, Тожикистон, Туркманистон ва Ўзбекистон раҳбарлари тинглади.
Урушдаги ғалабанинг 78 йиллиги муносабати билан ўтказилган парадга 10 мингдан ортиқ ҳарбий хизматчилар, жумладан, Украина ҳудудидаги жанговар ҳаракатларда қатнашаётганлар ҳам жалб қилинган. Авиация парадда иштирок этмади, Қизил майдонда олдинги йилларга қараганда камроқ ҳарбий техника қайд этилди.
Изоҳ (0)