“Нега ўзгариш керак? Ҳар кимнинг ўз услуби бор. Агар уни топган бўлсангиз, ўзгартирманг”, — дейди афсонавий актриса Одри Хепберн. Актриса ҳаёт бўлганда 4 май куни 94 ёшга тўлган бўларди. Туғилган кун муносабати билан унга нафақат гўзаллик, балки оқила аёл бўлишга ёрдам берган асосий қоидалари билан танишамиз.
Семирмасликка ҳаракат қилинг
“Тиффанидаги нонушта” фильмида актриса 32 ёшли икки фарзанднинг онаси сифатида 18 ёшли Холли Голайтли ролини ўйнаганини биласизми? Актрисанинг озғинлиги анча ёшроқ кўринишининг сабабларидан бири эди. Қандай қилиб у бундай нозиклигича қола олди? У қатъий равишда кунига уч марта овқатланарди, орада у-бу нарса еб олиш одати йўқ эди. У янги сабзавот ва помидор соусли макаронни яхши кўрарди, камдан кам ҳолларда ширинлик истеъмол қиларди.
Гавдангизни тик тутинг
Одрининг ёш кўринишининг яна бир сабаби унинг бенуқсон қомати эди. Тик елкалар, текис бел, ичга тортилган қорин ва мағрур бош позицияси кўкрак қафасини визуал равишда баландроқ, белни ингичка кўрсатади, шунингдек, ёқимсиз бақбақадан халос қилади.
“Гўзаллик уйқуси” ҳақида унутманг
Хепберн гўзаллик ва соғлиқ учун сифатли уйқу қанчалик муҳимлигини биларди, шунинг учун у кечки овқатдан кейин ухлашни одат қилган. Унинг ўғли Шон бу ҳақда ўз хотираларида шундай дейди: “Эрта ва узоқ давом этадиган суратга олиш ишлари онамга тушдан кейин ухлашни ўргатди. Ухлагандан кейин у ҳар доим бир бўлак шоколад ерди — фақат бир бўлак! Унинг айтишича, шоколад қайғуни йўқотади”.
Иложи борича пиёда юринг
Балет билан шуғулланганига қарамай, Хепберн спортга унчалик қизиқмасди, аксига олиб кўп чекарди. Қондаги кислород етишмаслигини қоплаш учун у ҳар куни ити, Жаноб машҳур (Mister Celebrity) лақабли Ёркшир терери билан узоқ сайр қиларди.
Соч турмагингизга майинлик қўшинг
Йиллар ўтгани сайин юлдуз график чёлка ва минималистик каредан воз кечиб, силлиқ тўлқинли ҳажмли услубларни синаб кўра бошлади. Ёш ўтган сари сочлар юмшоқлиги ва ҳажмини йўқотади ва мўртлашади. Бунинг олдини олиш учун Hepbern Philip Kingsley Elastizier ниқобидан фойдаланган. Шишган ва ипакдек майин сочлар ёшроқ кўринишга ёрдам беради.
Яхшилик қилинг
Атрофдагилар Одри Хепбернни тушунадиган, ғамхўр инсон ва меҳрибон она сифатида эслашади. Унинг меҳрибон табассуми ва чақнаб турган кўзлари доимо ёшлик билан порлаб турарди. Актрисалик фаолиятини тугатгандан сўнг, у UNICEF’нинг махсус элчиси сифатида иш бошлайди: юлдуз учинчи дунё мамлакатларидаги болаларни озиқ-овқат, ичимлик суви ва дори-дармонлар билан таъминлашга ёрдам беради.
Аммо актриса ўргатган энг муҳим қоида — ўзимизни жуда жиддий қабул қилмаслик ва ҳаёт бизга юборадиган ҳар қандай қийинчиликларни табассум билан қаршилаш қобилиятидир.
Изоҳ (0)