“Новий очаг” нашри ушбу мақолада Болливуд янги Голливуд эканлигини исботлайдиган 10 та ҳинд фильмини тўплади.
“Патҳан”
Режиссёр: Сиддҳартҳ Ананд
Ролларда: Шоҳрух Хон, Дипика Падуконе, Салмон Хон, Жон Абраҳам
Болливуд тарихидаги энг қиммат ва энг юқори даромад келтирувчи фильмлардан бири. Актёрлар 90 йилларда миллиардлаб одамлар кумирига айланган ҳинд киноси қироли Шоҳрух Хон ва Канн ва “Оскар” қизил гиламларида порлаган, шунингдек, Cartier ва Louis Vuitton’нинг юзи бўлган актриса Дипика Падуконе. Жанговар фильм сюжет и ниҳоятда содда: ташкилотнинг энг яхши агенти Патҳан бошчилигидаги Ҳиндистон махсус хизматлари ўз ватанига хиёнат қилиб, душман томонига ўтган ёвуз одамга қарши курашади.
Голливуднинг барча қонунларига мувофиқ ажойиб муштлашувлар, ёрқин таъқиблар ва реал жанглар, қўшиқ ва рақсларсиз ҳинд фильмини тасаввур қилиб бўлмайди — Дипика ва Шоҳрух иштирокидаги клиплар YouTube’да 400 миллион марта кўрилган. Айтганча, “Патҳан”да Россия манзаралари ҳам бор — бу фильм Байкал кўлида суратга олинган биринчи ҳинд фильми бўлди.
“Браҳмастра 1-қисм: Шива”
Режиссёр: Аян Мукҳержи
Ролларда: Ранбир Капур, Амитабҳ Баччан, Алиа Бҳатт
Бу энди шунчаки классик жанговар фильм эмас — ҳиндлар Marvel’га ўз жавобларини тақдим этишди. Танқидчиларнинг шарҳларига кўра, фильм жуда яхши чиққан, деб айтиш мумкин. Асосий ролларни: Алиа Бҳат ва Ранбир Капур ўйнаган. Ранбир шунчаки яхши актёр эмас, у бутун актёрлик сулоласини давом эттиради.
Фильм сюжет и ҳинд афсоналарига асосланган. Қизиғи шундаки, бу картина “Браҳмастра” трилогиясининг бошланиши: келаси йили ижодкорлар томошабинларни янги суперқаҳрамонлик фильми билан хурсанд қилишга ваъда беришмоқда.
“Йўлбарс”
Режиссёр: Али Аббос Зафар
Ролларда: Салмон Хон, Катрина Каиф
“Йўлбарс” — Болливуднинг яна бир жанговар фильми. Салмон Хон ва Катрина Кайф бош ролларини ижро этишган. Фильмда террорчилар билан тўқнашув ҳақида ҳикоя қилинади. Аввалига Ҳиндистон (Салмон) ва Покистон (Катрина) разведка идоралари вакили бўлган бош қаҳрамонлар алоҳида-алоҳида ишлашади, лекин кейин улар бир-бирларини севиб қолишади ва мамлакатларининг умумий душманларига қарши курашиш учун бирлашишади.
“Рам ва Лила”
Режиссёр: Санжай Лила Бҳансали
Ролларда: Ранвир Сингх, Дипика Падуконе
Ушбу фильм Шекспирнинг “Ромео ва Жулиетта” асари асосида суратга олинган: Ҳиндистоннинг кичик шаҳарчасида асрлар давомида бир-бири билан курашиб келган икки оила яшайди. Агар қарама-қарши уруғлардан бўлган икки ёш бир-бирини севиб қолмаганда, ҳаммаси шундай давом этарди.
Гўзал, мусиқий ва ёрқин мелодрама Болливуднинг энг кучли жуфтлиги — Ранвир Сингх ва Дипика Падуконе томонидан ижро этилган.
“Оқ йўлбарс”
Режиссёр: Рамин Баҳрани
Ролларда: Приянка Чопра, Ражкумар Рао, Адарш Гурав
Фильм замонамизнинг энг машҳур (мадҳиясини ёзган Рабиндранат Тагордан кейин) ҳинд ёзувчиси Аравинд Адиганинг шу номдаги асари асосида яратилган.
Кичкина ҳинд қишлоғида туғилган, барча тўсиқларга қарамай, муваффақиятга эриша олган йигит тақдири ҳақида ҳикоя қилувчи фильмда икки машҳур юлдуз: Приянка Чопра ва Ражкумар Рао рол ўйнаган.
“Ганг дарёсига шон-шараф”
Режиссёр: Пракаш Жҳа
Ролларда: Приянка Чопра
Приянка Чопра билан яна бир фильм. Абҳе Матҳур — қаттиққўл аёл полиция комиссари, уни бошлиқлари хавфли туманга ўтказади, у ерни жиноятчилар бошқаради: ҳатто полиция ҳам уларга бўйсунади. Аммо Абҳе шаҳарда тартиб ўрнатиш учун ҳаётини хавф остига қўйишга тайёр.
Ҳиндистонда аёлларнинг жамиятдаги ўрни билан боғлиқ катта муаммо бор. Шунинг учун ҳиндлар кучли аёллар ҳақида фильмлар суратга олишни жуда яхши кўради ва шу йўл билан маҳаллий аҳолига дунёни кўрсатиб беради.
“Қалбаки”
Режиссёр: Раж Нидимору
Ролларда: Шаҳид Капур
Мазкур ҳинд сериали қалбаки пул сотувчилар ҳақида ҳикоя қилади, улар ерости дунёсининг энг юқори чўққисига чиқишга ва энг зўр жиноятчилардан бирига айланишга муваффақ бўлишади. Сериалда бош ролни Шаҳид Капур ўйнаган.
“Менинг исмим Хон”
Режиссёр: Каран Жоҳар
Ролларда: Шоҳрух Хон, Кажол
Ушбу фильмда Шоҳрух Хон 11 сентябрдан кейин Қўшма Штатларда доимий таъқиблар объектига айланган ҳиндистонлик мусулмон муҳожири ролини ўйнаган ва унинг севгилиси ундан юз ўгирган. Унинг ичончини қозониш учун Хон жуда хавфли ишга қўл уради.
Фильм маҳаллий ва хорижий танқидчиларнинг кўплаб ижобий шарҳларини олган. У ҳатто Берлин кинофестивалида ҳам намойиш этилган. Шунингдек, ушбу фильм Қозон халқаро мусулмон фильмлари фестивалида “Томошабинлар танлови” мукофоти билан ҳам тақдирланган.
Изоҳ (0)