Ҳиндистоннинг Нагпур шаҳрида аёлларни фоҳишаликка мажбурлаб келган жиноий гуруҳ қўлга олинди. Қутқарилган қизлар орасида ўзбекистон фуқароси ҳам бор.
Полициянинг таъкидлашича, жиноий гуруҳ юқори даражадаги амалдорларни фоҳишалар билан таъминлаб келган. Бунинг учун шаҳардаги 5 юлдузли меҳмонхоналарнинг биридан фойдаланилган.
Жиноий гуруҳни фош қилиш учун полиция икки нафар сохта мижозни юборди.
Жиноий гуруҳ аъзолари сохта мижозларни Вардҳа Роуд меҳмонхонасига чақиришлари билан Нагпур полицияси уларни қўлга олди.
Тезкор тадбир давомида Банти тахаллусига эга Билол Аҳмад ва Ражкумар Гадлевар исмли воситачилар полиция томонидан ушланди.
Шу билан бирга, меҳмонхонанинг икки хонасидан уч нафар қиз ҳам полицияга олиб кетилган.
Улардан икки нафари Деҳли шаҳридан. Яна бири эса Ўзбекистон фуқароси эканлиги хабар қилинмоқда.
Изоҳ (0)