Жуда қисқа муддатда суратга олинган бўлса-да, томошабинлар меҳрини қозонган фильмлар (видео)
Фильм яратиб, уни томошабинларга тақдим этиш учун узоқ вақт, меҳнат сарфланади. Баъзи бир кинокартиналар йиллаб суратга олинади, баъзилари қисқа муддатда суратга олинса-да, муваффақиятли лойиҳага айланади.
“Рокки”
“Рокки” кўпчилик ҳали ҳам томоша қилишни ёқтирадиган энг машҳур спорт драмаси ҳисобланади. Фильм марказида ёш боксчи Рокки Балбоа туради. Унинг ҳаёти зерикарли бўлади. Бироқ қаҳрамон рингга чиқиш ва чемпион Apolloн Крид билан жанг қилиш таклифини олганида, ҳамма нарса ўзгаради.
Кинофильм Силвестр Сталлонега катта шуҳрат келтирди, кастинг пайтида унинг чўнтагида атиги 100 доллар бор эди. Фильмда актёрнинг қариндошлари ҳам рол ўйнашга муваффақ бўлди: эпизодик саҳналарда унинг укаси ва отаси иштирок этган.
Лойиҳа кучли ғояга эга сценарий асосида 28 кун ичида 1 миллион долларлик бюджетда суратга олинди – фильм кассада 200 000 000 доллардан ортиқ даромад келтирган.
“Хеллоуин”
Режиссёр Жон Карпентерга продюсер Ирвин Жабланс психопатик қотил ҳақида фильм суратга олиш учун мурожаат қилганида, у розилик берган. Бироқ иш тугагандан сўнг, Карпентер фильм кассада 60 миллион доллар йиғган бўлишига қарамай, унга атиги 10 000 доллар тўлади. Кўпчилик учун бу ҳақ миқдори ҳайратланарли, чунки Жон ҳам ёзувчи, ҳам режиссёр бўлган, шунингдек, ижодкор атиги 20 кун ичида “Хеллоуин” фильмини суратга олишга муваффақ бўлган.
Майкл Майер — болалигида ваҳшийлик қилган ҳақиқий психопат. Бу воқеага 15 йил бўлса-да, у озодликда юради, бу кичик шаҳарча аҳолисига зарар етказади.
Ушбу лойиҳа 13 та фильмни ўз ичига олган кино франшизасининг яралишига сабаб бўлди: қаердадир сюжет асл нусхадан фарқ қилади, қаердадир бошланганини давом эттиради.
“Блер жодугар: Бошқа дунёдаги курс иши”
Ушбу қўрқинчли фильм биринчи марта чиқарилганда инсонлар икки хил фикрга келган. Баъзилар “Блер жодугар” ҳужжатли лойиҳа эканига чин дилдан ишонган. Бошқалар бу фантастика эканлигини тушунишди. Биринчи гуруҳдагилар эса уни кўриш учун кинотеатрга боришга журъат этмаган, баъзилари эса охиригача томоша қила олмаган. 20-аср охирида режиссёрлар Дэниэл Мирик ва Эдуардо Санчес ўзининг фильмлари билан шов-шув кўтаришга ва инсонларнинг турли хил муносабатини билишга муваффақ бўлди.
Ушбу фильмни ҳақиқатан ҳам қўрқинчли деб билганлар орасида Стивен Кинг ҳам бор. Жанр қироли сифатида ундан бир неча бор сиз кўрган энг даҳшатли фильм қайси, деб сўрашган ва актёр айнан шу фильм ҳақида гапириб берган.
Лойиҳа яратувчилари фильмни таҳрир қилиши учун 8 ой вақт сарфлади, бироқ суратга олиш ишларининг ўзига атиги 8 кун сарфланди.
“Телефон буткаси”
Сценарий муаллифи Ларри Коэннинг айтишича, фильм ғояси унга 1960 йилларда келган ва у Алфред Хиткокка мурожаат қилган: Коэн фильм суратга олишни таклиф қилди, унинг воқеалари телефон буткасида содир бўлади. Кейинги учрашувларда Хичкок ва Коэн фильм учун умумий хулосага кела олмади. 20-асрнинг охирида сценарий муаллифи телефон буткасини снайпер билан боғлади.
Жоэл Шумахер лойиҳанинг режиссёрига айланди, бош ролни эса ирландиялик актёр Колин Фаррелл ижро этди. Ушбу лойиҳа ҳам 8 кунда суратга олинган.
“Касабланка”
Лойиҳада Касабланка — бадавлат инсонлар ва эндигина авж олган Иккинчи Жаҳон урушидан қочган қочқинлар яшайдиган шаҳар сифатида тасвирланган. Тадбиркор Рикка тегишли бўлган маҳаллий бар бойларнинг севимли жойи бўлади. Кутилмаганда фашистларга қарши чиққан бир киши Касабланкага келади ва қишлоқда тартибсизликларни келтириб чиқаради. У ёлғиз эмас, чиройли рафиқаси билан келади.
Фильм WB студияларида икки ой ичида суратга олинди, суратга олиш жараёнларини Касабланкага кўчириш учун ижодкорларда маблағ йўқ эди. “Касабланка” нафақат жаҳон классикаси, балки энг кўп иқтибос келтириладиган фильм ҳам ҳисобланади. Ушбу драмадан олинган 6 та иқтибос турли хил “топларда” мавжуд, бу бошқа фильмларга қараганда анча кўп.
“Касабланка” — қайта суратга олиш деярли мумкин бўлмаган фильмлардан бири. 21-асрнинг бошларида хонанда Madoнна ҳикояни қайта суратга олиш таклифи билан студияларга борди. У бош ролни Эштон Кутчерга бермоқчи эди, бироқ уни рад этишди. Madoннага бу ғоя билан бир студиядан бошқасига югурмаслик кераклигини айтишди, чунки фильмни ўзгартириб бўлмайди.
