Шундай ажойиб фильм ва сериаллар борки, уларнинг сюжет и ҳам, қаҳрамонлари ҳам томошабинга ёқади. Афсуски, замонавий кино кўпинча мантиқ етишмаслиги ортидан бир қанча саволларга дуч келади.
Ноёб артефактлар сюжет дан йўқолиб қолади
Қаҳрамонларда кўпинча асосий ёвуз одамни мағлуб этишга ёрдам берадиган ажойиб артефактлар бўлади. Аммо ёзувчилар буни унутишади. Ҳатто “Гарри Поттер” қандай тугаши кераклиги ҳақида ҳазил видео ҳам бор. Хулоса шуки, вақтни ортга қайтарувчи соат ёрдамида сеҳргарлар ўтмишга саёҳат қилишлари ва афсунгарлар дунёсини Волдемортдан ҳимоя қилишлари мумкин эди.
Қизлар заргарлик буюмларини ечмасдан ухлашади
Томошабин қаҳрамонларнинг макияж билан ухлаши ва уйғонишига ҳеч ҳам ўрганолмади. Лекин бу ҳаммаси эмас. Хитой сериалларида соҳибжамоллар кийимда, қулоқларида йирик сирғалар, сочларидаги катта безаклар билан ётишади, эрталаб эса заргарлик буюмлари худди елимлангандек бошларида мукаммал туради.
Отлардан ҳалоскор сифатида фойдаланилади
Оммабоп фентези жанридаги отлар одатда фильм қаҳрамонлари томонидан ўғирланган мототцикл ёки машинага ўхшайди. Қаҳрамонга транспорт керак бўлганда, у эгарли “дўст”га дуч келади.
Ўта хавфли маҳбус қутулиб бўлмайдиган қамоқхонадан қочади
Буни “Қўзилар сукунати”да ҳам, “Кунг-фу панда”да ҳам кўргансиз — ёвуз одам қўли ва оёғи занжирбанд ҳолда қамоқхонада ўтиради, лекин охир-оқибат у қочиб кетади. “Уэнздей”да ҳам антагонистнинг тақдири худди шундай бўлади — на занжирлар, на транквилизаторлар ёвуз одамни ушлаб туролмади.
Жангари фильм қаҳрамонлари бежирим соч турмаги ва макияжда юришади
Бош қаҳрамонларнинг соч турмаги ва макияжи, нима бўлишидан қатъи назар, ажойиб кўринади. Наташа Романоф ҳам югуради, терлайди, йиқилади, ифлос полга думалайди, лекин соч турмаги ва пардози бузилмайди.
Саёҳатчилар янги кийимларни қаердан олишаркан?
''Саргардонлар” драмаси мураккаб сюжет ва персонажлари билан яхши таниш. Аммо томошабинлар бир нарсадан ҳайрон бўлишади: қаҳрамон бундай чиройли кийимларни қаердан олади? Унинг қўлида фақат елпиғич бор, хизматкори эса фақат жанговар қамчи олиб юради. Бироқ деярли ҳар бир серияда персонажнинг кийими ўзгаради. Уни экрандан ташқарида кийим-кечакка тўла замбил кўтарган хизматкорлар кузатиб боришса керак.
Қаҳрамонлар тишларини тиш пастасисиз ювади
“Қаттиққўл хоним” фильми Энн Хетеуэйнинг янги кунга тайёрланиши билан бошланади. У тишларини қандай ювишини суратда кўриш мумкин. Кўпик қани? Афтидан, киноижодкорлар кундалик одатни хунук деб ҳисоблашади, шунинг учун фильмларда кўпикни кўрмаймиз.
Изоҳ (0)