Фильм ва сериаллардаги қаҳрамонларнинг ташқи кўриниши — либослари, аксессуарлари ёки пардозлари кўпинча диалогдан кўра кўпроқ нарсани англатади.
“Аватар: Сув йўли”
Жейк Салли оиласи бошқа қабила ҳимоясидаги рифга етиб келганида, унинг рафиқаси Нейтири биринчи фильмдаги тақинчоқларни эслатувчи махсус маржон тақиб олади. Бу унинг ўтган ҳаётининг рамзи: Нейтири ўзи ўсган ва ҳар доим унинг уйи бўлган ўрмонни тарк этишни хоҳламайди. Бу “ўрмон” тақинчоғи унга ота-боболари ва она юрти билан алоқада бўлиш имконини беради.
Меткая қабиласи аъзоларининг безаклари эса бутунлай бошқача. Кийимлари ва аксессуарларини яратиш учун улар денгиз берадиган нарсалардан ҳам фойдаланади. Улар сув яқинида яшаганлиги сабабли чиғаноқлар, сув ўтлари, денгиз маржонлари асосий ўрин тутади.
“Сокин жой – 2”
Дунёда бўлаётган фалокатга қарамай, Эвелин Эбботт франшизанинг 1 ва 2-қисмларида ёрқин принтли либослар кияди. Либослар бўйича дизайнерларнинг фикрига кўра, унинг персонажи гулли кўйлаклар, қуёшдан сақловчи шляпа кийган аёлларнинг аллақачон йўқолган дунёсини акс эттиради.
Шундай қилиб, Эвелин, ташқи кўринишидан заифлигига қарамай, ўзини ва болаларини ҳимоя қила олади. Унинг психологик мустаҳкамлиги барча қийинчиликларни қайта-қайта енгишга имкон беради.
“Уэнздей”
Сериалнинг дастлабки кадрларида Уэнздей кичик оқ ёқали қора либосда, ўзининг шахсий ўрта мактаб формасида пайдо бўлади, бу уни ёрқин рангларда кийинган тенгдошларидан ажратиб туради ва унинг ўзига хослигини таъкидлайди.
Аммо бу сафар дизайнерлар ёқани янада қирралироқ тикишди, чунки бу янги қаҳрамон ва у ўзидан олдинги Уэнздейлардан фарқ қилади.
“М3GАН”
М3GАН исмли одамга ўхшаш андроид қўғирчоқ нейтрал, ёқимли рангларда кийинади. Дизайнерлар фикрига кўра, бу даҳшатни янада кучайтиради, чунки сокин фируза ва қаймоқранг туфайли қўғирчоқни одамга зарар етказиши мумкин бўлган ёвуз мавжудот сифатида қабул қилиш қийин.
Айтиш мумкинки, М3GАН ташқи кўриниши билан бутун авлоднинг даҳшатли тушларида пайдо бўлган бошқа қўғирчоқ — Чакини сиқиб чиқарди.
“Жон Уик – 4”
Киану Ривз қаҳрамони учун тикилган костюмларнинг кучи уларнинг соддалиги ва тартибли тикилганида. Франшизанинг деярли барча фильмларида Жон Уик тўқ кулранг кийимни афзал кўради. Бу унга соя каби кўзга ташланмайдиган кўринишга имкон беради.
“Эмили Парижда”
.jpg)
Шоунинг 3-мавсумида Эмили бир вақтнинг ўзида иккита хўжайин учун ишлайди, уларга ҳали ҳам танлов қилмаганлигини айтишга журъат этмайди. Кечки базмда у ўзини қора костюм кийган иккала хўжайини ҳам жодугарлар каби унга ташланмоқчи бўлган даҳшатли тушда юргандек ҳис қилади.
Ўз навбатида, пиджагидаги патлар Эмилини йиртқичлар томонидан ушланмоқчи бўлган қуш каби заиф қилиб кўрсатади.
“Инглиз аёл”
Эмили Блант иштирокидаги мини-сериал воқеалари ХIX аср охирида содир бўлади. Ўша даврдаги аёлларнинг отда юриш учун мўлжалланган кийимлари одатда қуюқ яшил рангда бўлган. Бироқ Эмили Блант қаҳрамони костюмини бинафша рангга айлантириш ғоясини ўйлаб топди. Бу уни манзарадан ажратиб туради ва ўғлидан қасос олмоқчи бўлган аёлнинг руҳий ҳолатига мос келади.
“Бобил”
Қаҳрамон Марго Робби биринчи марта экранда кўринганда калта қизил кийимда бўлади. Бу Голливудга кўчиб ўтишдан олдин у Нью-Йоркда раққоса бўлганини тасдиқлайди. Бу либос ўзи билан олиб кетган саҳна либосларидан бирининг бир қисми бўлиши мумкин.
Изоҳ (0)