Ла Лига. “Барселона” сафарда Мадрид клубига имкониятни бой берди

Футбол бўйича Испания Ла Лигасининг 31-турида “Барселона” 26 апрель, чоршанба куни “Райо Вальекано” меҳмони бўлди.

Учрашувнинг 19-дақиқасида Альваро Гарсия ҳисобни очди. Иккинчи бўлимда мадридликлар ҳисобни ишончли кўринишга олиб келди. Бу сафарги гол муаллифи Фран Гарсия бўлди. 83-дақиқада эса Роберт Левандовски гол уриб, орадаги фарқни қисқартирди. Бироқ қолган дақиқаларда каталонияликлар гол уролмади ва мағлубиятни қабул қилиб олди.

Хави шогирдлари 76 очко билан мусобақа пешқадами бўлиб турган бўлса, “Райо Вальекано” очколарини 43 тага етказди ва 9-ўринга кўтарилиб олди.

Ла Лига

31-тур баҳси

26 апрель, чоршанба

“Райо Вальекано” – “Барселона” 2:1

Голлар: 1:0 – 19 Гарсия, 2:0 – 53 Фран Гарсия, 2:1 – 83 Левандовски.

“Райо Вальекано”: Димитриэвски, Балиу, Лежен, Катена, Фран Гарсия, Паласон, Гарсия (Салви Санчес, 80), Унаи Лопес (Чаваррия, 80), Оскар Валентин (Мумин, 89), Трехо (Сисс, 63), Камело (де Томас, 89).

“Барселона”: тер Стеген, Кунде, Алонсо (Альба, 57), Араухо, Балде, де Йонг (Эрик Гарсия, 79), Педри (Кессиэ, 68), Гави (Торре, 79), Рафинья, Ферран Торрес (Фати, 57), Левандовски.

Огоҳлантиришлар: Балде (32), Альба (34), Гави (36), Рафинья (61), Димитриэвски (90).