Италия Кубоги. “Интер” “Ювентус”ни енгиб, финалга йўл олди 

Футбол бўйича Италия Кубогининг ярим финали иккинчи ўйинида “Интер” ва “Ювентус” жамоалари 26 апрель, чоршанба куни ўзаро баҳс олиб борди.

Жамоалар ўртасидаги биринчи ўйинда 1:1 ҳисоби қайд этилган эди. Иккинчи ўйинда эса миланликлар 15-дақиқада Федерико Димарко томонидан урилган гол эвазига финалга йўл олди.

Иккинчи ярим финалда эса “Фиорентина” “Кремонезе”га қарши баҳс олиб боради. Клубларнинг дастлабки ўйинида флоренсияликлар 2:0 ҳисобида зафар қучганди. 

Италия Кубоги

1/2 финал жавоб баҳси

26 апрель, чоршанба

“Интер” – “Ювентус” 1:0

Гол: 1:0 – 15 Димарко.

“Интер”: Онана, Думфрис, Дармиан, Ачерби, Бастони, Димарко (Гозенс, 78), Мхитарян, Чалҳанўғлу (Гальярдини, 82), Барелла (Брозович, 68), Жеко (Лукаку, 68), Мартинес (Корреа, 78).

“Ювентус”: Перин, Де Шильо, Бонуччи (Данило, 68), Алекс Сандро, Бремер, Костич (Милик, 46), Ди Мария, Рабьо, Локателли (Паредес, 63), Миретти (Погба, 79), Кьеза.

Огоҳлантиришлар: Локателли (59), Мхитарян (90).