La Liga. “Barselona” safarda Madrid klubiga imkoniyatni boy berdi

Futbol bo‘yicha Ispaniya La Ligasining 31-turida “Barselona” 26-aprel, chorshanba kuni “Rayo Valyekano” mehmoni bo‘ldi.

Uchrashuvning 19-daqiqasida Alvaro Garsiya hisobni ochdi. Ikkinchi bo’limda madridliklar hisobni ishonchli ko‘rinishga olib keldi. Bu safargi gol muallifi Fran Garsiya bo‘ldi. 83-daqiqada esa Robert Levandovski gol urib, oradagi farqni qisqartirdi. Biroq qolgan daqiqalarda kataloniyaliklar gol urolmadi va mag‘lubiyatni qabul qilib oldi.

Xavi shogirdlari 76 ochko bilan musobaqa peshqadami bo‘lib turgan bo‘lsa, “Rayo Valyekano” ochkolarini 43 taga yetkazdi va 9-o‘ringa ko‘tarilib oldi.

La Liga

31-tur bahsi

26-aprel, chorshanba

“Rayo Valyekano” – “Barselona” 2:1

Gollar: 1:0 – 19 Garsiya, 2:0 – 53 Fran Garsiya, 2:1 – 83 Levandovski.

“Rayo Valyekano”: Dimitrievski, Baliu, Lejen, Katena, Fran Garsiya, Palason, Garsiya (Salvi Sanches, 80), Unai Lopes (Chavarriya, 80), Oskar Valentin (Mumin, 89), Trexo (Siss, 63), Kamelo (de Tomas, 89).

“Barselona”: ter Stegen, Kunde, Alonso (Alba, 57), Arauxo, Balde, de Yong (Erik Garsiya, 79), Pedri (Kessie, 68), Gavi (Torre, 79), Rafinya, Ferran Torres (Fati, 57), Levandovski.

Ogohlantirishlar: Balde (32), Alba (34), Gavi (36), Rafinya (61), Dimitrievski (90).