Марказий Осиё футбол ассоциацияси (CAFA) миллий терма жамоалар ўртасида илк бора ўтказиладиган мусобақада иштирок этадиган жамоалар номини маълум қилди.
Ўзбекистон ва Қирғизистон мезбонлигида ўтадиган турнирда 7 та терма жамоа иштирок этади (ОФКга аъзо Марказий Осиё вакиллари ва меҳмон Уммон терма жамоаси). Жамоалар ФИФА рейтингидаги ўрнига қараб тўртта саватчага ажратилган.
Ўзбекистон миллий терма жамоаси 1-саватчадан жой олган ва А гуруҳидаги ўйинларга мезбонлик қилади.
1-саватча
- Эрон
- Ўзбекистон (А гуруҳи мезбони)
2-саватча
- Қирғизистон (B гуруҳи мезбони)
- Тожикистон
3-саватча
- Туркманистон
- Афғонистон
4-саватча
- Уммон
А гуруҳидаги ўйинлар 11, 14 ва 17 июнь кунлари ўтказилади. B гуруҳидаги баҳсда 10, 13 ва 16 июнь кунлари бўлиб ўтади. Гуруҳларда биринчи ўринни олган жамоалар финалда, иккинчи ўрин эгалари учинчи ўрин учун баҳсда иштирок этади. Ҳар икки ўйин 20 июнь куни Тошкентда бўлиб ўтади.
Мусобақага 26 апрель куни қуръа ташланади.
Аввалроқ Россия терма жамоаси ҳам меҳмон сифатида таклиф этилгани, бироқ Россия футбол иттифоқи бу таклифга рад жавобини бергани хабар қилинганди.
Изоҳ (0)