“Барселона” билан қисқа вақт ичида катта ютуқларга эришган ва Мессининг омма олдида илк бор кўз ёш тўкишига сабабчи бўлган Тито Вилановани хотирлаб
Қисқа муддат мураббийлик қилиб, мухлислар қалбидан жой олиш ҳар кимга ҳам насиб этавермайди. Тито Виланова ана шундай мураббийлардан бири эди. Хосеп Гвардиола 2012 йил “Барселона”ни тарк этганидан сўнг, унинг ўрнини ёрдамчиси Тито эгаллади. Каталония жамоасини бир мавсум бошқарган испаниялик мутахассис 100 очко тўплаб, чемпионлик билан бирга ўша мавсумни тарихга муҳрлаб қўя олди. Афсуски, соғлиғидаги муаммолар сабаб футболдан узоқлашишга мажбур бўлди. 2014 йил 25 апрелда эса касаллик билан курашда енгилиб, вафот этди. “Барселона” мухлисларининг севимли мураббийларидан бирига айланган Титонинг вафот этганига 9 йил тўлди.
“Дарё” унинг фаолият йўли акс этган фотогалереяни тақдим этади.
Тито Виланова 1968 йил 17 сентябрда Каталониянинг Белкайресида таваллуд топган. Футболчилик фаолиятини “Барселона” ёшлар жамоасида бошлаган. Лекин қанча уринмасин, асосий жамоага ўта олмаган. Шундан сўнг 1991 йилда “Фигерес” жамоасига ўтиб кетадиФото: GoleadorКелажакда энг қадрдон дўстларга айланадиган Гвардиола ва ВилановаФото: TwitterТито Пеп Гвардиола билан биргаликда “Барселона” ёшлар жамоасида ишлади. 2008 йилда эса шерикларга “Барселона”нинг асосий жамоасини бошқариш насиб этди.Фото: Getty ImagesПеп ва Тито биргаликда мукаммал ишни эплай олган, ҳар бири ўз вазифасини аъло даражада бажарган.Фото: Getty ImagesФото: “Барселона”Улар гўё бир бутун эди. Бири ҳиссиётларига эрк берса, бошқаси босиқлик билан футболчиларга кўрсатмалар берарди. Тито Пепни, Пеп эса Титони тўлдириб турарди.Фото: Getty ImagesЎша пайтдаги “Барселона” барчани даҳшатга соларди. Жамоа тўрт мавсумда 14 та соврин жамғаришни уддалади.Фото: Getty Images2012 йилда Пеп Гвардиола “Барселона”дан кетгач, унинг ўрнига Тито Виланова бош мураббийга айланди.Фото: Getty Images2012 йилги Испания Суперкубогидан олдин Жозе Моуриньо билан.Фото: Getty ImagesВиланова Гвардиоланинг ўрнини билдирмасликка уринди. Пепнинг ўйин услубини давом эттиришга ҳаракат қилди.Фото: Getty ImagesТито Виланова жамоанинг асосий футболчиси Лионель Месси билан суҳбатлашмоқда.Фото: Getty ImagesТито бошчилигида жамоа 2012/13 йилги мавсумда Испания чемпионатида 100 очко тўплаб, чемпионга айланди.Фото: Getty Images100 очко тўплаш нафақат “Барселона”, балки дунё футболи тарихидаги камдан-кам рўй берадиган ҳодиса эди.Фото: Getty ImagesФото: Getty ImagesЧемпионлар Лигасида эса омад юз ўгирди. Ярим финалда “Бавария” “Барселона” дарвозасига икки ўйинда 7 та гол урди.Фото: Getty ImagesАфсуски, соғлиғидаги муаммо сабаб Тито 2013 йилда истеъфога чиқишга мажбур бўлди.Фото: Getty Images2014 йил 25 апрелда Тито Виланова саратон туфайли ҳаётдан кўз юмди.Фото: Getty Images2014 йил 28 апрель куни Виланованинг дафн маросими бўлиб ўтди.Фото: Getty ImagesФото: Getty ImagesФото: Getty ImagesЎша куни футбол оммаси илк бор Лионель Мессининг кўз ёш тўкишига гувоҳ бўлди.Фото: Getty Images2014 йил 3 май куни Ла Лигада “Хетафе”га қарши ўйин Тито Вилановани хотирлаш билан бошланди.Фото: Getty ImagesФото: Getty Images“Камп Ноу” стадионида Вилановани хотирлаш маросими бўлиб ўтдиФото: Getty ImagesФото: Getty ImagesФото: Getty Images2015 йил 20 февралда “Барселона” машғулотлар базасидан бирига Тито Виланова номи берилди. Унда марҳумнинг рафиқаси ва фарзандлари иштирок этди.Фото: Getty ImagesФото: Getty ImagesТито Виланова қисқа муддат “Барселона”га мураббийлик қилган бўлса-да, ўзидан эсда қоларли натижаларни қолдириб кетди.Фото: Getty Images
Изоҳ (0)