Самарқанд вилояти Паяриқ туманида жойлашган заправкаларнинг бирида Nexiaъда ёнғин чиқди. Бу ҳақда вилоят Фавқулодда вазиятлар бошқармаси ахборот хизмати хабар берди.
Хабарга кўра, ҳолат 24 апрель куни соат 19:13 да Паяриқ тумани “Янги ҳаёт” МФЙда жойлашган “Жаҳонгир Пристиж” МЧЖга қарашли АСGQШнинг чиқиш эшиги олдида содир бўлган. 1948 йилда туғилган фуқарога тегишли бўлган, 2003 йилда ишлаб чиқарилган Nexia’нинг мотор қисмида ёнғин содир бўлган.
Воқеа жойига 1 та ёнғин-қутқарув экипажи соат 19:15 да етиб бориб, ёнғин соат 19:18 да ўчирилган. Ҳодиса оқибатида тан жароҳати олган ва ҳалок бўлганлар йўқ. Ҳозирда терговга қадар текшириш ишлари олиб борилиб, ёнғиннинг келиб чиқиш сабаби ва зарари аниқланмоқда.
Изоҳ (0)