Фарғона вилояти Бағдод туманида отаси томонидан яширилган тўрт ёшли қиз Тошкент шаҳридан топилди. Бу ҳақда МИБ ахборот хизмати “Дарё”га хабар берди.
Хабарга кўра, бюронинг Бағдод тумани бўлими иш юритувига ФИБ Риштон туманлараро судининг 2022 йил 25 августдаги қарорига асосан, қарздор жавобгар (ота) М.А тарбиясидан ундирувчи даъвогар (она) А.Ф. тарбиясига бир нафар вояга етмаган фарзандини олиб бериш ҳақидаги ижро ҳужжати келиб тушган. Ушбу иш ижрога қаратилиб, қарздорга ихтиёрий муддат берилган.
Лекин ота фарзандини ундирувчи тарбиясига бермасдан, яшириб қўйгани аниқланиб, болани қидириб топиш учун давлат ижрочиси томонидан 2022 йил 9 декабрь куни қидирув эълон қилинган.
Қайд этилишича, 18 апрель куни қидирув шўбаси инспекторлари томонидан Тошкент шаҳар, Яшнобод тумани ИИБ ҳамда бюронинг Тошкент шаҳар қидирув шўбаси ходимлари билан ҳамкорликда олиб борилган қидирув ҳаракатлари натижасида 2019 йилда туғилган қизалоқ Яшнобод туманидан топилган ва онаси А.Ф.га олиб берилиб, ижро иши тамомланди.
Изоҳ (0)