Тошкент вилояти Олмалиқ шаҳрида 9 қаватли бино қурилишида қоидабузарликлар аниқланди. Қурилиш вазирлиги ҳолат юзасидан муносабат билдирди.
Маълум бўлишича, ушбу турар жой биносини қуришда “Зилзилавий ҳудудларда қурилиш” меъёр талаблари бузилган ҳолда котлован тайёргарлиги тўғрисида геолог далолатномаси ва замин тупроқ қатлами зичлиги бўйича лаборатория хулосалари тўлиқ расмийлаштирилмаган.
Объектнинг барча қаватларини кўтаришда “Зилзилавий ҳудудларда қурилиш” меъёр талаблари бузилган ҳолда монолит-бетон конструкциялар мустаҳкамлиги бўйича лаборатория синовларининг хулосалари олинмаган, объектда техника хавфсизлиги қоидаларига риоя этилмаган.
Бундан ташқари, хавфсизлик ленталари тортилмай опалубка монтаж ишлари бажарилган. Объект қурилишининг лойиҳа ва қурилиш меъёрлари талабларига мувофиқ амалга оширилгани юзасидан ижро схемалар, ишлатилган қурилиш материалларининг сифатини тасдиқловчи паспорт ва сертификатлар, ёпиқ ишлар далолатномалари талабда белгиланган ижро ҳужжатлари тўлиқ расмийлаштирилмаган.
Бугунги кунда қурилиш монтаж ишлари вақтинча тўхтатилган. Юқорида кўрсатиб ўтилган қоидабузарликларнинг лойиҳа ва қурилиш меъёрлари талаблари асосида бартараф этилиши юзасидан техник назоратчи ҳамда пудратчи масъулларига тегишли кўрсатмалар берилган. Пудрат ташкилоти раҳбари Маъмурий жавобгарлик тўғрисидаги кодекснинг 99-моддасига (шаҳарсозлик тўғрисидаги қонунчиликни бузиш) асосан жаримага тортилган.
Изоҳ (3)
Яратган кифоя қилсин сенларга. Ҳалқни лаънатига қолдинглар.
Пудратчилар озгина жарима билан қутулар балки, лекин, оддий халқчи, уларни шунча кутганичи.
Узоқ вақт алдаб келдиларинг мана битади, мана битади деб. Битай деганда бу уйни сифатсиз қурилиш эканлигини билябмиз.