Toshkent viloyati Olmaliq shahrida 9 qavatli bino qurilishida qoidabuzarliklar aniqlandi. Qurilish vazirligi holat yuzasidan munosabat bildirdi.
Ma’lum bo‘lishicha, ushbu turar joy binosini qurishda “Zilzilaviy hududlarda qurilish” me’yor talablari buzilgan holda kotlovan tayyorgarligi to‘g‘risida geolog dalolatnomasi va zamin tuproq qatlami zichligi bo‘yicha laboratoriya xulosalari to‘liq rasmiylashtirilmagan.
Obyektning barcha qavatlarini ko‘tarishda “Zilzilaviy hududlarda qurilish” me’yor talablari buzilgan holda monolit-beton konstruksiyalar mustahkamligi bo‘yicha laboratoriya sinovlarining xulosalari olinmagan, obyektda texnika xavfsizligi qoidalariga rioya etilmagan.
Bundan tashqari, xavfsizlik lentalari tortilmay opalubka montaj ishlari bajarilgan. Obyekt qurilishining loyiha va qurilish me’yorlari talablariga muvofiq amalga oshirilgani yuzasidan ijro sxemalar, ishlatilgan qurilish materiallarining sifatini tasdiqlovchi pasport va sertifikatlar, yopiq ishlar dalolatnomalari talabda belgilangan ijro hujjatlari to‘liq rasmiylashtirilmagan.
Bugungi kunda qurilish montaj ishlari vaqtincha to‘xtatilgan. Yuqorida ko‘rsatib o‘tilgan qoidabuzarliklarning loyiha va qurilish me’yorlari talablari asosida bartaraf etilishi yuzasidan texnik nazoratchi hamda pudratchi mas’ullariga tegishli ko‘rsatmalar berilgan. Pudrat tashkiloti rahbari Ma’muriy javobgarlik to‘g‘risidagi kodeksning 99-moddasiga (shaharsozlik to‘g‘risidagi qonunchilikni buzish) asosan jarimaga tortilgan.
Izoh (3)
Яратган кифоя қилсин сенларга. Ҳалқни лаънатига қолдинглар.
Пудратчилар озгина жарима билан қутулар балки, лекин, оддий халқчи, уларни шунча кутганичи.
Узоқ вақт алдаб келдиларинг мана битади, мана битади деб. Битай деганда бу уйни сифатсиз қурилиш эканлигини билябмиз.