”Яшил макон” лойиҳаси доирасида Сурхондарё вилояти Экология бошқармасига ажратилган пуллар ва бошқа маблағлар мақсадсиз фойдаланилгани ҳақида хабарлар тарқалди. Табиат ресурслари вазирлиги Сурхондарё вилояти бошқармаси мазкур хабарларга изоҳ берди.
Хабарга кўра, Экология қўмитаси раисининг (ўша вақтда вазирлик номи шундай аталган) 1 апрелдаги “Яшил макон” умуммиллий лойиҳаси асосида кўчат экиш ишларини ташкил этиш тўғрисида”ги 123-сонли буйруғига биноан 2022 йил 6 апрелда бошқарманинг ҳисоб рақамига 50 миллион пул ўтказиб берилган. Сарфланмасдан қолган 50 миллион сўм пул 2022 йил Давлат Экология қўмитасининг ҳисоб рақамига белгиланган тартибда қайтариб берилган.
Тузилган ишчи гуруҳ томонидан ўрганишлар жараёнида 2022 йил давомида қўмита томонидан бошқармага молиялаштирилган маблағлардан 36 миллион сўм бошқарманинг зарур эҳтиёжлари учун ишлатилган, жумладан, интернет тўлови, судларга почта харажатлари, конверт ва маркалар, конселярия моллари учун сарфланган.
Шунингдек, мурожаатда кўрсатилган 8 миллион сўм миқдоридаги маблағлар бошқарманинг атроф-муҳитни мониторинг қилиш таҳлил лабораториясининг “Enter engineering PTD LTD” Бойсун ГПЗ хўжалик компаниясининг экологик таҳлиллари учун хизмат кўрсатиш шартномасига асосан депозит ҳисоб рақамига тушган. Ушбу маблағлар мақсадли Таҳлил лабораториясининг зарур химирактивлари олиши учун ишлатилган.
Бундан ташқари, Табиат ресурслари вазирлиги Сурхондарё вилояти бошқармасининг 2022 йил учун бюджет маблағларининг харажатлар сметаси тузилиб, вилоят Молия бошқармаси томонидан тасдиқланган ва маҳаллий бюджетдан молиялаштирилган.
Мурожаатда айтилган 2022 йилги бюджет маблағлари ноқонуний йўл билан талон-тарож қилингани ва шахсий эҳтиёжларга ишлатилгани айтилган гаплар асоссиз экани таъкидланган.
Қайд этилишича, экология соҳасидаги ҳуқуқбузарликлар юзасидан давлат инспекторлари томонидан қилинган ҳар бир жарималар “Э-жарима” тизимига киритилади. “Э-жарима” платформасидаги маълумотларни вазирлик ва бошқарма ходимлари ҳеч қандай бир ҳолатда ўчиролмайди. “Э-жарима” маъмурий иш базасининг назоратини тўғридан тўғри Ички Ишлар вазирлиги томонидан юритилади.
Изоҳ (0)