“Толибон” Россиядан уларни тан олишни сўради 

“Толибон” ҳаракати Кобулга ташриф буюрган Россия мусулмонлари делегацияси билан музокара олиб борди. Бу ҳақда “Дарё”нинг Афғонистондаги мухбири хабар берди.

Делегация “Толибон”нинг сиёсий масалалар бўйича бош вазир ўринбосари Абдул-Кабир билан музокара ўтказган. “Толибон” Россияга уларни биринчи бўлиб тан олган давлат бўлишни таклиф қилиб, унга Афғонистон ҳудудидан ҳеч нарса таҳдид солмаслигига ваъда берган.

“Толибон” ташрифдан Россия билан савдо алоқаларини ривожлантириш, Россия жамиятида Афғонистоннинг ижобий имижини яратишга ҳисса қўшишини кутмоқда. Россия мусулмонлари делегацияси таркиби қуйидагича:

• Илман Бечуркаэв, Грознийдаги Кунта-ҳожи Кишиев номидаги Ислом институти проректори;
• Ахмед Залихаев, Москва собори масжиди имом-хатиби;
• Магомедгажи Гаджиев, Доғистонлик жамоат арбоби.

Улар Афғонистонда қирқ йиллик урушдан сўнг миллий хавфсизлик таъминланганидан ва аҳолини тартибга солишдан мамнун эканлигини билдирган. Абдул-Кабир, Ислом Амирлиги Россияни Афғонистон тупроғи ҳеч бир давлатга қарши ишлатилмаслигига ишонтирганини билдирди.