Тошкент метросининг Ер усти ҳалқа йўли 7-бекатида 19 апрель куни поездлар ҳаракати бир кунга тўхтатилади. Бу ҳақда “Тошкент метрополитени” ДУК ахборот хизмати хабар берди.
Хабарга кўра, Тошкент метрополитени Ер усти ҳалқа йўлининг II босқичидаги Қўйлиқдан Қурувчилар даҳасигача бўлган 5 та метро бекатида поездларнинг синов тариқасидаги ҳаракати ўз якунига етказилмоқда. Шу муносабат билан ушбу янги бекатларни I босқичда барпо этилган бекатлар билан техник жиҳатдан ўзаро боғлаш мақсадида, 19 апрель санасида Ер усти ҳалқа йўлининг 7-бекатида (Қўйлиқ) поездлар ҳаракати тўхтатилади.
Қайд этилишича, шу кунда поездлар ҳаракати Дўстлик—2-6-бекат оралиғида ташкил этилади. Шунингдек, йўловчилар учун 6-бекатдан 7-бекатга қадар қўшимча автобуслар ҳаракати йўлга қўйилади.
Тошкент метрополитенининг 7-бекати бундан аввал ҳам, яъни 11 мартдан бошлаб 18 март кунига қадар саккиз кунга ёпилган эди.
Изоҳ (0)