Ёлғиз америкалик пенсионер Голливуд актёри Бред Питтнинг рухсати билан унинг уйи ҳудудида бир неча йил текин яшади. Бу ҳақда “Зулмат бекаси — Элвира” фильмидаги роли билан танилган актриса Кассандра Петерсон People нашрига берган интервьюсида хабар берди.
.jpg)
Петерсон 1994 йилда Лос-Анжелесдаги уйини Питтга 1,7 миллион долларга сотган. Актрисанинг сўзларига кўра, Питт аста-секин мулк майдонини кенгайтириб, яқин атрофдаги участкаларни ҳам сотиб олган.
Бундан ташқари Питт кекса бева инсонга тегишли қўшни уйни сотиб олган. Актёр пенсионерга кўчмасликка рухсат берди ва Жон 105 ёшида вафот этгунга қадар Питт саройи ҳудудида яшади.
“У бу инсонга жуда меҳрибон эди. Унинг рафиқаси вафот этди ва турмуш ўртоғи Жон ўша ерда қолган. Биламан, Бред унга ўша ерда қолишига ва ўлгунига қадар ҳеч нарсанинг ҳаққини тўлашга рухсат бермади. Бу жуда кулгили эди, чунки Жон 105 йил яшади”, — дейди Петерсон.
Саройда Питт ва унинг собиқ рафиқаси Анжелина Жоли олти нафар фарзандини тарбиялаган. Март ойида Питт уйини қарийб 40 миллион долларга сотди.
Изоҳ (0)