Ла Лига. “Реал” 5 та гол урилган ўйинда “Вильярреал”га имкониятни бой берди 

Футбол бўйича Испания Ла Лигасининг 28-турида “Реал” сафарда “Вильярреал” билан баҳс олиб борди.

Учрашувнинг 16-дақиқасида Пау Торрес ҳисобига автогол ёзилди. Биринчи бўлим якунида Самюэль Чуквуэзе мувозанатни тиклади. 

Иккинчи бўлим бошидаёқ мадридликлар иккинчи голни урди. Винисиус Жуниор Себальоснинг узатмасини голга айлантирди. 70-дақиқада Хосе Луис Моралес ҳисобни тенглаштирди. 80-дақиқада эса Чуквуэзе дублни расмийлаштириб, жамоасига ғалаба келтирди.

Карло Анчелотти шогирдлари 59 очко билан мусобақа жадвалида 2-ўринни эгаллаган. “Вильярреал” эса очколарини 47 тага етказиб, 5-ўринга кўтарилиб олди. 

Ла Лига

28-тур баҳси

8 апрель, шанба

“Реал Мадрид” – “Вильярреал” 2:3

Голлар: 1:0 – 16 Пау Торрес (автогол), 1:1 – 39 Чуквуэзе, 2:1 – 48 Винисиус Жуниор, 2:2 – 70 Моралес, 2:3 – 80 Чуквуэзе.

“Реал Мадрид”: Куртуа, Алаба (Милитао, 46), Рюдигер, Начо, Себальос (Камавинга, 75), Тчуамени (Модрич, 72), Васкес, Асенсио, Винисиус Жуниор, Родриго, Бензема (Вальверде, 59).

“Вильярреал”: Рейна, Фойт, Манди, Пау Торрес, Педраса, Парехо, Алекс Баэна (Мохика, 90), Террац (Тригерос, 33), Ло Чельсо (Моралес, 67), Пино (Альберто Морено, 67), Чуквуэзе (Фемения, 90).

Огоҳлантиришлар: Пино (25), Педраса (35), Фойт (69).