Кўплаб стереотиплар фильмдан фильмга ўтади. Бундай ҳолатлар томошабинларга жуда яхши таниш бўлиб, жонга тегишга ҳам улгуради.
Соч текислаш — ўзгаришнинг муҳим қисмидир
Яқин вақтгача оддий қизнинг соҳибжамолга айланиши саҳнаси бўлган барча Голливуд фильмларида соч текислаш ўзгаришнинг мажбурий босқичи эди. Негадир ижодкорлар жингалаксоч аёл ҳақиқий хонимга ўхшамаслигига ишонтиришга ҳаракат қилишади. Лекин текис, мукаммал услубдаги сочлар билан — бошқа масала!
“Маликанинг кундалиги”, “Гўзал аёл” ва “Мулойим хоним” фильмлари қаҳрамонлари шундай ўзгаришлардан ўтишган. Бу ҳаракат, эҳтимол, аввал ва кейин ўртасидаги фарқни янада таъкидлаш учун ишлатилгандир. Ишончимиз комилки, севимли қаҳрамонларимиз ҳар қандай соч турмаги билан чиройли кўринаверади.
Қаҳрамон ўзи яшаётган даврга тўғри келмайди
Фильмларда кўпинча ўзи яшаётган даврга мос келмайдиган қаҳрамон бўлади. Натижада ҳақиқий тарихий драмалар эмас, балки кенг кўйлак ва корсет кийган замонавий аёллар ҳақидаги фильмлар пайдо бўлади.
Ҳақиқий ҳаётда, албатта, жамиятга қарши чиққан аёллар бўлган. Бироқ, интернет фойдаланувчилари таъкидлаганидек, 19-аср феминизми 21-аср феминизми билан бир хил эмас.
Даҳшатли ҳодисалар борган сари кучайиб боради
Кўпинча қўрқинчли фильм бошида оила янги уйга кўчиб ўтади. Бироқ номаълум сабабларга кўра, уйда яшовчи ёвуз мавжудот дастлаб яшириниб, синган идиш каби кичик нарсалар билан қўрқитишни бошлайди ва буни фақат болалар кўриши мумкин. Фильм охирида арвоҳлар эшикларни ёпиб, диванларни силжитишни ва қаҳрамонларнинг оёқларидан судрашни бошлайди — одамларни қўрқитиш тобора кучайиб боради.
Корсетлар зулм рамзига айланади
Ёзувчилар ва либос дизайнерлари кўпинча ўтмишдаги стереотиплардан фойдаланади. Масалан, корсетлар ҳар доим ҳам фильмларда кўрсатилгандек “қийноққа солувчи восита” бўлмаган. “Шамолларда қолган ҳисларим” фильмидаги саҳнани ҳаммамиз эслаймиз: қаҳрамонлар гўзаллик қандайдир ваҳшийлик меъёрига мос келиши учун корсет кияди ва чуқур нафас олиб, корсетни маҳкамлаш учун қоринни тортиб туриш керак. Кўпинча фильмлардаги корсетлар аёллар зулми ва адолатсиз гўзаллик меъёрларининг рамзи бўлиб хизмат қилади.
Ёлғиз хакер ёрдамга келади
Қандайдир юқори технологиялар ҳақида гапириладиган ёки мураккаб ишни тергов қилиш билан боғлиқ бўлган фильмларда ҳар доим ажойиб компьютер даҳоси бўлади. Иш унинг асосий қизиқишидир. У ҳар доим кўзойнак тақиб юради, бир зумда тузатиш билан бирга серверларни чақмоқ тезлигида ҳам буза олади.
Соч кесиш ички ўзгаришлар белгиси сифатида кўрсатилади
Кўпинча драмаларда қаҳрамонлар қандайдир травматик тажрибани бошдан кечиради. Уларда содир бўлган ички ўзгаришларни кўрсатиш учун кўзгу олдида сочларини қандай қилиб кесишгани кўрсатилади.
Қаҳрамонлар доимо кружкадан ҳўплаб ичишади
Интернет фойдаланувчилари кино қаҳрамонларининг қўлларида кружка билан айланиб юришлари, баъзан ундан ичимлик ҳўплашларининг зерикарли услубини пайқашган. Қаҳрамонлар нима қилиши муҳим эмас — у ишлайди, курер билан учрашади, кимнидир кутиб олади — қўлларида доимо кружка бўлади. Кино ижодкорлари кўпинча маълум бир саҳнада актёрнинг қўлларини банд қилиш учун шундай усулга мурожаат қилишади.
Болалар даҳшатли нарсаларни чизишади
Агар қўрқинчли фильмда бола бўлса, эртами-кечми у ғалати ёки қўрқинчли расмларни чиза бошлайди. Бу кичкина қаҳрамонлар яратган расмларда кўпинча жиноят саҳналари, бошқалар кўра олмайдиган одамлар ёки йиртқич ҳайвонлар ёки ҳали содир бўлмаган, лекин фильмнинг кейинги ярим соатида, албатта, содир бўладиган нарсанинг аниқ тасвирлари бўлади.
Ҳашаматли кийимлар керакциз матолардан тикилади
Агар қаҳрамоннинг муҳим тадбири бўлса-ю, мос кийим бўлмаса, уни қолган-қутган материаллардан тикиш улар учун муаммо эмас. “Шамолларда қолган ҳисларим” ва “Сеҳрланган малика” фильмларида парда ҳашаматли либосга айланади.
Изоҳ (0)