DreamWorks компанияси ижодий ҳамкори Крис Меледандрининг маълум қилишича, киностудия “Шрек-5” фильми устида иш бошлади. Студия янги қисмда фильмнинг ўтган қисмлари актёрлари — Майк Майерс, Кемерон Диас ва Эдди Мерфининг иштироки бўйича музокаралар олиб бормоқда.
“Биз актёрларнинг қайтишини кутяпмиз. Ҳозир музокаралар бошланди ва биз олган барча белгилар актёрлар қайтишга жуда иштиёқ билан қарашаётганини кўрсатмоқда”, — дейди Крис Меледандри Variety нашрига берган интервьюсида.
Крис Меледандри — “Яхши бўлиш осонми?” ва “Минёнлар” мултфильмларининг продюсери. Дастлаб “Шрек”нинг бешинчи қисми унинг иштирокида 2019 йилда кинотеатрларда намойиш этилиши режалаштирилган эди, бироқ мултфильм устидаги ишлар тўхтатилди.
“Шрек” мултфильмининг янги қисмидаги ишларнинг қайта тикланиши кассаларда қарийб 500 миллион доллар йиғган “Этик кийган мушук: Сўнгги истак” мултфильми муваффақияти билан боғлиқ.
2010 йилда “Шрек-4” мултфильми чиқарилгандан сўнг, DreamWorks’нинг соф даромади икки баравар кўпайиб, 188,9 миллион долларга етди.
Изоҳ (0)