Namangandagi 62-xalqaro gullar festivali joriy yil 21-maydan 21-iyungacha, bir oy davom etadi. Bu haqda viloyat hokimi Shavkat Abdurazzaqov maʼlum qildi, deya xabar beradi “Daryo” muxbiri Azizbek Abduvaliyev.
Oldinroq bu tadbir 21-maydan 4-iyungacha, yaʼni 15 kun davom etishi ko‘zda tutilgandi.
“Nafaqat Bobur bog‘i, balki ‘Afsonalar vodiysi‘ parki ham gullarga burkanadi. Bir oy davomida har kuni turistlar va shahar mehmonlari uchun turli madaniy-ko‘ngilochar tadbirlar bo‘lib o‘tadi. Mutasaddilarimiz shunga yarasha masʼuliyat bilan hozirlik ko‘rishi kerak”, — deya taʼkidlagan festivalga tayyorgarlik ishlari bilan tanishgan Shavkat Abdurazzaqov.
Tashkilotchilar muddat uzaytirilishi munosabati bilan tadbirga kelishi kutilayotgan mehmonlar soni prognoziga ham o‘zgarish kiritdi: endi Namangandagi xalqaro gullar festivaliga avvalgidek 3 million emas, balki 5 millionga yaqin mehmon kelishi kutilmoqda.
Izoh (0)