Кўплаб инсонлар иложи борича узоқроқ яшашни орзу қилади ва бу соғлом турмуш тарзига риоя қилишга боғлиқ. Агар узоқ умр кўришни истасангиз, биринчи навбатда истеъмол қилаётган маҳсулотларингизга эътибор беришингиз керак. Соғлом, чиройли ва энергияга тўла бўлиш учун чипслар, фастфуд ва газланган ичимликлар ҳақида унутинг. Овқатланиш менюнгизга сабзавот, мевалар ва суперфудларни киритинг.
Олимлар сабзавотлар орасида қаришга қарши курашда энг фойдали бўлган бир сабзавотни алоҳида ажратиб кўрсатади. Бу маҳсулот таркибида марганец, К витамини, фолий кислотаси, витамин B6, калсий, калий, тиамин мавжуд ва у C витаминига бой.
Бу сабзавот ҳақида биласиз, америкалик олимлар карам танани хавфли яллиғланишдан ҳимоя қилиши мумкин, деган хулосага келган.
Майо тиббиёт клиникаси шифокорларининг қўшимча қилишича, овқатланиш менюсида карамнинг кўп миқдорда бўлиши организмдаги кучли яллиғланишга қарши таъсир кўрсатади, саратон хавфини камайтиради, шунингдек, стрессга чидамлиликни оширади.
Карам таркибидаги хун толаси организмни токсинлар ва зарарли моддалардан тозалайди ва А, B, C, P, U гуруҳлари витаминлари тери, соч ва тирноқларнинг ўсишига ижобий таъсир кўрсатади. Карам кўзлардаги ёшга боғлиқ ўзгаришларни секинлаштириши, дегенератив касалликларнинг ривожланишидан ҳимоя қилиши мумкин.
Мутахассислар карамни ҳар қандай шаклда истеъмол қилишни маслаҳат беради, бироқ пиширилмаган карам кўп миқдорда озуқавий моддаларни ўзида сақлагани сабабли уни шу ҳолатда истеъмол қилган маъқул.
Изоҳ (0)