Ko‘plab insonlar iloji boricha uzoqroq yashashni orzu qiladi va bu sog‘lom turmush tarziga rioya qilishga bog‘liq. Agar uzoq umr ko‘rishni istasangiz, birinchi navbatda iste’mol qilayotgan mahsulotlaringizga e’tibor berishingiz kerak. Sog‘lom, chiroyli va energiyaga to‘la bo‘lish uchun chipslar, fastfud va gazlangan ichimliklar haqida unuting. Ovqatlanish menyungizga sabzavot, mevalar va superfudlarni kiriting.
Olimlar sabzavotlar orasida qarishga qarshi kurashda eng foydali bo‘lgan bir sabzavotni alohida ajratib ko‘rsatadi. Bu mahsulot tarkibida marganes, K vitamini, foliy kislotasi, vitamin B6, kalsiy, kaliy, tiamin mavjud va u C vitaminiga boy.
Bu sabzavot haqida bilasiz, amerikalik olimlar karam tanani xavfli yallig‘lanishdan himoya qilishi mumkin, degan xulosaga kelgan.
Mayo tibbiyot klinikasi shifokorlarining qo‘shimcha qilishicha, ovqatlanish menyusida karamning ko‘p miqdorda bo‘lishi organizmdagi kuchli yallig‘lanishga qarshi ta’sir ko‘rsatadi, saraton xavfini kamaytiradi, shuningdek, stressga chidamlilikni oshiradi.
Karam tarkibidagi xun tolasi organizmni toksinlar va zararli moddalardan tozalaydi va A, B, C, P, U guruhlari vitaminlari teri, soch va tirnoqlarning o‘sishiga ijobiy ta’sir ko‘rsatadi. Karam ko‘zlardagi yoshga bog‘liq o‘zgarishlarni sekinlashtirishi, degenerativ kasalliklarning rivojlanishidan himoya qilishi mumkin.
Mutaxassislar karamni har qanday shaklda iste’mol qilishni maslahat beradi, biroq pishirilmagan karam ko‘p miqdorda ozuqaviy moddalarni o‘zida saqlagani sababli uni shu holatda iste’mol qilgan ma’qul.
Izoh (0)