Вазн йўқотиш ва организмни тозалашда самарали бўлган маҳсулотларни қидириб дорихоналарга борамиз ёки ижтимоий тармоқларда самарадорлиги исботланмаган қимматбаҳо маҳсулотларга буюртма берамиз. Бироқ бундай восита ҳар бир ошхонада мавжуд. Wday нашри ҳар куни эрталаб оч қоринга бир стакан иссиқ сув ичишнинг организмга қандай фойдаси борлиги ҳақида маълумот берди.
Эрталаб оч қоринга бир стакан иссиқ сув ичишнинг фойдали жиҳатлари
Маълум бўлишича, эрталаб бир стакан сув ичишнинг организм учун фойдали бўлган жиҳатлари кўп. Масалан, тонгда оч қоринга илиқ сув ичиш:
- ичак ва ошқозонни токсинлардан тозалашга;
- заифлаштирувчи парҳезларсиз вазн йўқотишга;
- қон босимини нормаллаштиришга;
- ҳуснбузар ва ёғли теридан халос бўлишга ёрдам беради.
Гастроэнтерологлар сувнинг шифобахш хусусиятларини исботлаб берган. Тун давомида овқат ҳазм қилиш чиқиндилари ва токсинлар шиллиқ ичак деворларида тўпланади. Эрталаб оч қоринга илиқ ёки совуқ сув ичиш ҳамма зарарли моддаларни ювишга ёрдам беради. Натижада, ошқозон-ичак тракти ишга тушади, ўз ишини бошлайди ва организмни тозалайди. Агар ҳар куни эрталаб ўзингизни бундай оддий муолажага ўргацангиз, бу организмнинг ишқорий мувозанатини нормаллаштиради ва қон босимига ижобий таъсир қилади.
Энг фойдалиси илиқ, бироқ қайнатилмаган сув ҳисобланади. Сувни қайнатганда ундаги фойдали хусусиятлар йўқолади, бу эса организмда тўлиқ сўрилмайди. Бироқ, катта шаҳарларда ичимлик суви энг яхши сифатга эга эмас, баъзида уни қайнатмаган ҳолда ичиш соғлиқ учун хавфли. Бундай ҳолатда филтрланган ёки дўконларда сотиладиган ичимлик сувидан фойдаланишингиз мумкин.
Эрталаб оч қоринга иссиқ сувни қандай ҳолатда ичиш керак?
Организмни тозалаш ва вазн йўқотиш учун ҳар куни бир стакан иссиқ, лекин қайнатилмаган сув ичиш тавсия этилади. Тавсия этилган ҳарорат 40 даража атрофида. Сувни шошилмасдан, кичик қултумларда ва уйғонгандан сўнг дарҳол, ҳар доим оч қоринга ичиш керак.
“Сувнинг таъмини яхшилаш учун унга озгина асал ёки бир бўлак лимон (бир неча томчи шарбат) қўшишингиз мумкин”, — дейди Елена Рябинкова.
Шу билан бирга, лимонли сув ичиш айрим инсонларга тавсия этилмайди. Бундай сувни ошқозонининг кислоталилиги юқори бўлган инсонлар ичиши мумкин эмас. Сурункали ва ўткир гастрит ёки ошқозон яраси бор беморлар эса фақат оддий сув ичгани ёки унга озгина асал қўшгани маъқул.
Ҳар куни оч қоринга иссиқ сув ичиш ва унинг тана учун фойдали жиҳатлари сизни бефарқ қолдирмайди, чунки сув ҳаётнинг асоси деб ҳисобаланади. Соғлигингиз учун ушбу оддий рецептлардан фойдаланинг ва соғлом бўлинг.
Эксперт фикри
“Эрталаб оч қоринга сув ичиш ёки ичмасликда ҳар ким ўзининг овқатланиш афзалликларига қараб қарор қилади. Бироқ бу ишни қилсангиз, сувни хона ҳароратида ёки максимал тана ҳароратида ичган маъқул. Бундай ҳолатда, тана ҳароратни тенглаштириш ва ички гомеостазни сақлаб қолиш учун энергия сарфламайди. Жуда совуқ ёки иссиқ сув ошқозон шиллиқ қаватини безовта қилиши мумкин.
Маълумки, лимон C витаминига бой. Шуни таъкидлаш керакки, лимон иссиқ сув ёки чойга солинганда, таркибидаги фойдали бўлган C витаминини йўқотади.
Вазн йўқотиш учун лимонли иссиқ сув ичиш ҳам шарт эмас. Мен бунда вазн йўқотишга ёрдам берадиган ёки метаболизмни тезлаштирадиган, ошқозон-ичак трактининг функцияларини яхшилайдиган ишончли тасдиқлайдиган тадқиқотларни кўрмадим. Бизнинг организмимиз ўз-ўзини тартибга солувчи тизим бўлиб, керакли ферментлар, микроэлементлар контцентрациясини назорат қилади ва бирор нарсанинг ортиқча қўшилиши ёки суюлтириш авторегуляция жараёнларининг бузилишига олиб келади.
Бундан ташқари, лимон таркибида сафро секрециясини рағбатлантирадиган органик кислоталар мавжуд. Гастрит, ошқозон ёки ўн икки бармоқли ичакнинг ошқозон яраси, холецистит билан оғриган беморларга оч қоринга лимонли иссиқ сув ичиш тавсия этилмайди. Бундай ҳолатда, шифокор билан маслаҳатлашган маъқул.
Бироқ, лимоннинг ҳам фойдали хусусиятлари бор, мен C витаминини қизил қалампир, қорағат ва унга бой бўлган бошқа озиқ-овқатлардан ҳам олишни тавсия қиламан. Суюқликларни қабул қилиш эҳтиёжлар, атроф-муҳит ҳарорати ва спорт машғулотларига қараб кун давомида тенг равишда тақсимланиши керак”, — дейди тиббиёт фанлари номзоди, диэтолог Елена Рябинкова.
Изоҳ (0)