Ўзбекистонда иккиламчи бозордаги уйларнинг нархи ошмоқда. Бу ҳақда Иқтисодий тадқиқотлар ва ислоҳотлар маркази хабар бермоқда.
Ҳисоб-китобларга кўра, февраль ойида иккиламчи уй-жой бозорида (эски уйлар) 1 кв/м учун уй-жой нархининг ўртача ўсиши ойига 4,5 фоизни ташкил этган бўлса, 2022 йил февраль ойига нисбатан 23,1 фоизга ўсди.
Йил бошидан буён Навоий — 32,7 фоиз, Фарғона — 31,5 фоиз вилоятларида ва Тошкент шаҳрида — 31,5 фоиз уй-жой нархининг сезиларли ўсиши кузатилди.
Февраль ойида Тошкент шаҳридаги эски уй нархларининг ўсиши ойига 3,8 фоизни ташкил этди. Нархларнинг энг юқори ўсиш суръатлари Чилонзор — 9,6 фоиз, Сергели — 6,2 фоиз ва Олмазор туманларида — 4,9 фоиз қайд этилди.
2022 йил февраль ойига нисбатан Тошкент шаҳрида уй-жойларнинг ўртача нархи 31,5 фоизга ошди.
Шунингдек, кетма-кет иккинчи ой давомида уй-жой олди-сотди шартномалари сони ортиб бормоқда: агар январь ойида 18 минг битим қайд этилган бўлса, февраль ойида уларнинг сони 22,5 мингтага етди ва 24 фоизга ўсди.
Изоҳ (0)