Шайхонтоҳурда энг юқори: Тошкентда уйларнинг ижара нархлари кетма-кет иккинчи ой пасайди
Февраль ойида Тошкентнинг аксарият туманларида ижарага бериладиган уй-жой нархларининг пасайиши кузатилди. Бу ҳақда Иқтисодий тадқиқотлар ва ислоҳотлар маркази хабар берди.
Тошкент шаҳрида ижаранинг ўртача нархи 1 кв/м учун 9,86 долларни ташкил этиб, 2023 йил январь ойига нисбатан 2,3 фоизга пасайди.
Ижаранинг энг юқори нархлари пойтахтнинг Шайхонтоҳур (13,3 доллар), Яккасарой (12 доллар) ва Миробод (12 доллар) туманларида қайд этилди.
Ижаранинг нисбатан паст нархлари Тошкентнинг Учтепа (7,7 доллар), Сергели (6,8 доллар) ва Бектемир (6,6 доллар) туманларида бўлган.
2022 йилнинг мос даврига нисбатан Тошкент шаҳрида ижаранинг ўртача нархи 19,9 фоизга ошди.
2023 йилнинг январь ойида ҳам пойтахтда уйлар ижараси учун ўртача нарх 1,4 фоизга пасайган эди.
Тошкентда уйларнинг ижара нархлари Россия ва Украина ўртасидаги уруш сабаб, россияликларнинг Тошкентга кўчиб келиши ортидан кескин ошган эди. 2023 йилда эса пасайиш тенденцияси бошланди.
