Қозоғистоннинг Чимкент шаҳрида “Ўзбекистон темир йўллари” ва “Қазақстан темір жоли” ўртасида “Сариагаш” давлатлараро туташув пунктининг юк ўтказиш салоҳиятини ошириш учун “Оқ кўприк” (Ўзбекистон) ва “Сариагаш” (Қозоғистон) станцияларида технологик жараёнларни такомиллаштириш бўйича музокаралар бўлиб ўтди.
“Ўзбекистон темир йўллари” матбуот хизматининг маълум қилишича, учрашув давомида прогнозлаштирилаётган ҳажмларга эришиш ва уларни янада ошириш мақсадида “Ўзбекистон темир йўллари” томонидан “Оқ кўприк” станциясида реконструкция жараёнида, мавжуд бўлган қабул қилиш ва жўнатиш йўлларни узайтирилиши ва қўшимча йўллар қурилиши, 2023 йилнинг августига қадар якунланиши ҳақида ахборот берилди.
Ушбу лойиҳани амалга ошириш натижасида “Оқ кўприк” чегара пункти орқали ўтказиш имконияти кунига 30 жуфт поезддан 45 жуфт поездга оширилади ва шунга мос равишда йилига юк ташиш ҳажми 60 миллион тоннагача ошишига эришилади. Шуларни инобатга олган ҳолда, Ўзбекистон томони “Қазақстан темір жоли”га “Сариагаш” станциясининг ўтказиш имкониятини ошириш учун зарур чораларини кўриш лозимлиги тўғрисида мурожаат қилди.
Ушрашувда поездларни давлатлараро туташув пунктлари орқали ўтказиш жараёнини тезлаштириш мақсадида иккала томон ҳам юклар тўғрисида ўзаро дастлабки маълумотларни тўлиқ тақдим этиш (прединфо), ҳамда техник ва тижорий кўрикларини ўтказиш вақтини қисқартириш масалалари ҳам кўриб чиқилган.
Изоҳ (1)
Assalomu alaykum poezdlarni 30dan 45tagacha oshirish yaxshi lekin xafsilikniham inobatga olgan ham yaxi ish joyidagi ishchilar sharoitlarini va ishchi kuchini, yo'l qurilishini sifatli bolishini taminlashi kerak. Tijoriy ko'rik vaqtini kamaytirimaslikalri kerak Negaki tijoriy ko'rik shoshilinch ravishda bo'lsa sifat li korik yo'qoladi. Vagondagi kamchiliklarga yana oddiy ishchilar ayibdor boladi poyezd oqimini ko'paytirisharkan Demak har tomonlama o'ylashlari kerak faqatgina manfaatni emas