Транспорт вазири ўринбосари Абдусамат Мўминов бошчилигидаги ишчи гуруҳ 15—17 февраль кунлари “Грузия темир йўллари” акциядорлик жамияти, Поти ва Батуми портлари раҳбарияти, портдаги хусусий терминал вакиллари билан учрашди.
Грузиянинг Иқтисодиёт ва барқарор ривожланиш вазири ўринбосари Гурам Гурамишвили билан бўлиб ўтган учрашувда Ўзбекистоннинг экспорт ва импорт юкларини Грузия портлари орқали Европа ва Америка қитъаси давлатларига ташувларини узлуксиз ташкил этиш масалалари муҳокама этилди.
Учрашувда, шунингдек, юк ташувлар харажатини ва муддатини қисқартириш, тариф имтиёзларни кенгайтириш билан боғлиқ жиҳатлар кўриб чиқилди. Томонлар Поти ва Батуми портлари инфратузилмасидан самарали фойдаланиш юзасидан фикр алмашди. Учрашувларда муҳокама қилинган ҳамкорлик йўналишлари доирасида томонлар келгусида амалга ошириладиган вазифаларни белгилаб олди.
Изоҳ (0)