Ҳамкасбларнинг турмуш қуриши кўпчиликка маъқул келмайди. “Liza.ru” нашри ҳавола этган манбага кўра, бугунги жуфтликларни чинакам садоқат рамзи дейиш мумкин, чунки улар суратга олиш майдончасида учрашиб ҳалигача биргаликда бахтли ҳаёт кечирмоқда.
Кирстен Данст ва Жесси Племонс
Мазкур жуфтлик 2016 йилда “Фарго” трагикомедиясининг суратга олиш майдончасида танишган. Унда актёрлар Бломквистлар оиласи аъзолари ролини ўйнаб, Фарго жиноятчи оиласи етакчиси ўғлининг ўлдирилиш жинояти изларини яширади.
“Аввалига иккимизга ишлашимиз ёқиб қолди”, — дейди Данст интервьюда.
Орадан бир йил ўтгач, актёрлар унаштирилганини эълон қилди ва 2018 йилда биринчи фарзанлари дунёга келди. Биринчи фарзандларига Эннис Ховард деб исм қўйишди. Уч йилдан сўнг иккинчи ўғлллари Роберт Жеймс дунёга келди.
Данст интервьюларнинг бирида кўпроқ фильмларда турмуш ўртоғи билан рол ўйнаш ниятидалигини айтган. Шу билан бирга, Племонс ҳам Кирстенсиз суратга олиш майдончасида ишлашни хоҳламаслигини билдирган.
Натали Портман ва Бенжамин Мильпье
Актриса француз хореографи билан 2009 йилда Даррен Аранофскийнинг “Қора оққуш” фильмининг суратга олиш майдончасида танишган. Портман ва Милпе ўртасидаги муносабатлар ҳақидаги маълумотлар жуда тез тарқалди.
Орадан бир йил ўтгач, таблоидлар юлдузларнинг никоҳи ҳақида хабар тарқатди, бироқ улар яҳудийларнинг анъаналарига риоя қилган ҳолда камтарона маросим ўтказди, чунки Портман асли исроилликдир. Жуфтликнинг тўйи яқин қариндошлари иштирокида этди.
2017 йилда уларнинг биринчи фарзанди Амалия дунёга келди. “Менга рафиқа ва она бўлиш жуда мос келди. Бундан ортиқ бахт бўлиши мумкинми? Баъзида кундаликка ёзиш учун ҳеч нарса йўқдек туюлади: бахт ҳеч қандай изоҳ талаб қилмайди”, — дейди Натали.
Том Хенкс ва Рита Уилсон
Актёрлар 1981 йилда “Бағрикенг дўстлар” комедик сериалида ишлаётганда танишишган, бироқ ўша пайтда уларнинг орасида муносабат пайдо бўлмаган.
Жуфтликнинг ҳис-туйғулари орадан тўрт йил ўтгач, “Кўнгиллилар” фильмининг суратга олиш майдончасида танишнашганида пайдо бўлди. Танаффус пайтида улар Нью-Йорк кўчаларида сайр қилган. Ўша пайтда Том Ритага:
“Ҳеч қачон бирга бўлишмиз учун ўзингиз ҳақингиздаги ҳеч нарсани ўзгартиришингиз шарт эмас”, — деб айтади ва айнан шу сўзлардан кейин актриса Том унинг тақдири эканлигини тушуниб етади.
Жуфтлик 1988 йилда турмуш қурди, Хенкс эса унинг рафиқаси патриархал юнон оиласида туғилганини ва православликни қабул қилганини ҳисобга олди (бундан олдин у католик бўлган).
Бироз вақт ўтгач, жуфтликнинг биринчи фарзанди дунёга келди, актриса ўзини оналикка бағишлади, Том эса фильмларда рол ўйнашни давом эттирди. Том ва Рита 35 йилдан буён кўп оғир синовлардан ўтиб, бир-бирини қўллаб-қувватлаб яшаб келмоқда.
“Рафиқам билан уришишимизнинг ягона сабаби — ким кимни кўпроқ севишини билиб олиш”, — дейди Том.
Уилл Смит ва Жада Пинкетт-Смит
Голливуднинг машҳур жуфтликларидан бири 1990 йилда “Бел-Айрнинг янги шаҳзодаси” фильмининг кастинг жараёнида танишган. Уилл ушбу фильмга бош қаҳрамон сифатида қабул қилинди, бироқ Жада унинг дўсти ролини ижро этиш учун бормади. Шунга қарамай, улар мулоқот қилишда давом этди.
Орадан олти йил ўтиб актёр севгилисининг қўлини сўради. Кейинчалик биринчи ўғиллари Жейден туғилди, у отаси билан бир неча марта фильмларда рол ўйнаган. Жуфтликнинг қизи Уиллоу эса 2000 йилда дунёга келган.
Бир мунча вақт жуфтликнинг атрофида ажралиш ва хиёнат ҳақидаги миш-мишларни тарқалди, аммо улар оилаларини сақлаб қолиш учун психологга мурожаат қилишди ва ҳозирда Смиттлар Голливуддаги энг ёрқин жуфтликлардан бири.
Блейк Лайвли ва Райан Рейнольдс
Актёрлар 2010 йилда “Яшил фонар” фильмининг суратга олиш майдончасида учрашган. Ўша пайтда Райан Скарлетт Йоханссонга уйланган эди, Блейк эса Пенн Бадгли билан ишқий муносабатда бўлган.
Бироқ орадан бир йил ўтгач, уларнинг муносабатлари ўзгарди ва кейинчалик ёлғиз актёрлар учраша бошлади. Папарацилар уларнинг оммавий тадбирларда бирга қатнашаётганини пайқади ва жуфтлик 2012 йилда яқинлари иштирокида тўй маросимини ўтказди.
Ҳозирда жуфтликнинг тўрт нафар қизи бор. Актёр оталик ҳақида ҳазил қилишни яхши кўради.
“Кеча Диснейлендга бордим, чунки қизим Микки Маусни яхши кўради. Унга бу ҳақда айтганимда жуда ҳаяжонланган эди”, “Тонгни қизингизнинг кўзларига қараб, унга пичирлаб бошлашдан кўра яхшироқ нарса йўқ: “Энди бунақа қила олмайман”, — дейди актёр.
Жуфтлик учрашган пайтидан бошлаб бир-бирига қизиқишни йўқотмаган, улар бирга вақт ўтказади, дам олишга чиқади ва ичимликлар ишлаб чиқариш бўйича оилавий бизнес билан шуғулланади.
Эштон Кутчер ва Мила Кунис
Жуфтлик 90 йилларда “70 йиллар шоуси”да учрашган, ўшанда Эштон 19 Мила эса 14 ёшда эди. Бироқ, улар ўртасида ҳақиқий севги бўлмади, бундан ташқари, бир-бирларига кўнгил қўйишмади.
Улар расман 2012 йилда, Эштон актриса Деми Мур билан ажрашганида ва Мила Маколей Калкин билан ажрашганида оила қурди. Папарацилар Кутчер ва Кунисни қизил йўлакда кўп учратди ва кейинроқ уларнинг турмуш қуриши маълум бўлди.
Биринчи фарзанлари Уаятт 2014 йилда дунёга келган. Кейинроқ уларнинг иккинчи фарзанди Дмитрий туғилган. Ҳозирда жуфтлик кам интерю бершига қарамай ижтимоий тармоқларда оилавий суратларини намойиш қилади.
Аманда Сейфрид ва Томас Садоски
Актёрлар 2015 йилда The Wаy Wе Gеt лойиҳасининг продюсерлик ишида учрашган. Ўша пайтда Аманда оила қуриш ҳақида ўйларди ва ҳаётдаги ҳамроҳини топмоқчи эди ва Томас унинг идеалидаги инсонга айланди.
Жуфтлик 2016 йилда унаштирилганини эълон қилди ва бир йилдан сўнг турмуш қурди. Ҳозирда улар икки нафар фарзанди — қизи Нина ва ўғли Томасни тарбияламоқда. Уларнинг Фин лақабли ити ҳам бор.
Сейфрид оилавий бахтидан завқланади ва оилавий фотосуратларини камдан-кам саҳифасига жойлайди. Актёрлар Гудзон водийсидаги уйида яшайди. Уларнинг шахсий отлари, эшаклари ва товуқлари бор.
Изоҳ (0)