Шавкат Мирзиёев 13 март куни Сурхондарё вилоятига ташрифини Ҳаким ат-Термизий мақбарасини зиёрат қилишдан бошлагани ҳақида хабар берилганди. Президент зиёратда Ўзбекистон халқи ҳаққига дуо қилди.
“Илоҳим юртимизга, тинчлик-осойишталигимизга кўз тегмасин. Қўшниларимиз билан биродарчилигимиз, борди-келдиларимиз бардавом бўлсин. Аллоҳ халқимиздан ўз марҳаматини аямасин”, — деб дуо қилган Шавкат Мирзиёев.
Шундан сўнг президент Рамазон ойида имомлар кам таъминланганларга ифторлик қилиб беришини тавсия қилган. Давлат раҳбари мусулмоннинг оғирини енгил қилиш ҳам қарз, ҳам фарз эканини эслатди.
“Имомлар таклиф этилган жойга боради. Ўттиз кунлик Рамазон ойида вилоят имоми энг оғир маҳаллага бориб, кам таъминланганларни таклиф қилиб, мана, ҳокимлар ёрдам беради, бир қўй сўйиб, ифторликни ўша ерда ўтказса, дуо-фотиҳа қилса, биласизларми, қандай тарихий воқеа бўлади? Бир мусулмоннинг оғирини енгил қилиш — бизга ҳам қарз, ҳам фарз”, — деди президент.
Изоҳ (0)