Шавкат Мирзиёев 13 март куни Сурхондарё вилоятига ташрифини бошлади, деб хабар беради Президент матбуот хизмати.
Маълум қилинишича, давлат раҳбари аввало буюк аллома Ҳаким ат-Термизий мақбарасини зиёрат қилган. Аллоҳдан юртимизга тинчлик, хайр-барака тилаб дуо қилинган. Уламолар билан бўлган суҳбатда илм-маърифат ривожига яратилаётган шароитлар ва диний эркинликлар ҳақида сўз юритилган.
“Кейинги йилларда мусулмонлар ибодатларини эмин-эркин адо этишлари учун барча шароитлар муҳайё қилинди: янги масжидлар, мадрасалар қурилди, илмий-маърифий мажмуалар барпо қилингани, ҳар йили минглаб юртдошларимиз ҳаж ва умра ибодатларини адо этиш бахтига мушарраф бўлишаётгани таъкидланди”, — дейилади хабарда.
.jpg)
Эндиги асосий вазифа бунинг аҳамияти ва маънавиятини халққа етказиш экани таъкидланган. Энг аввало имом-хатиблар ҳудудларга чиқиб, Ҳаким ва Имом Термизийлар, Имом Бухорий, Имом Мотуридий, Бурҳониддин Марғилоний, Абу Муин Насафий ва бошқа буюк алломаларимиз меросини тизимли ва чуқур ўрганиши кераклиги қайд этилган. Бунинг учун алоҳида дастур ишлаб чиқиш таклифи билдирилган.
Изоҳ (0)