Самарқанд ва Шаҳрисабз ўртасида “Афросиёб” поезди ҳаракати йўлга қўйилади

“Ўзтемирйўлйўловчи” Шаҳрисабз—Самарқанд—Шаҳрисабз йўналишида тезюрар йўловчи поезд ҳаракати қўйилишини эълон қилди.

Маълум қилинишича, йўловчиларга қулайлик яратиш мақсадида ушбу йўналишдаги “Афросиёб” поезди ҳаракати 20 мартдан бошлаб ҳар куни амалга оширилади.

Поездлар ҳаракат жадвали қуйидагича:

• 7-сонли Шаҳрисабз—Самарқанд йўналиши: Шаҳрисабздан соат 07:03 да жўнаб, Самарқандга соат 10:54 да етиб боради.
• 8-сонли Самарқанд—Шаҳрисабз йўналиши: Самарқанддан соат 17:52 да жўнаб соат, 21:22 да Шаҳрисабзга етиб боради. 

Бундан аввал Самарқанд—Тошкент—Самарқанд “Афросиёб” электропоезди йўналишида қўшимча 6 та рейс ҳаракати, Тошкент—Қарши—Тошкент  йўналишида қўшимча 2 та рейс ҳаракати йўлга қўйилиши ҳақида хабар берилган эди.