Айни вақтда президент Шавкат Мирзиёев иштирокида Термиз шаҳрида халқ депутатлари Сурхондарё вилояти кенгаши сессияси бўлиб ўтмоқда. Бу ҳақда “Дарё” мухбири хабар берди.
Сессияда ташкилий масала кўрилди. Унда 2022 йилнинг декабрь ойидан буён Сурхондарё вилоятининг ҳокими вазифасини бажарувчи лавозимида ишлаб келаётган Улуғбек Қосимов вилоят ҳокими этиб тасдиқланди.
Улуғбек Қосимов 1983 йилда туғилган, маълумоти олий, ҳуқуқшунос. 2005 йилда Самарқанд давлат университетини тамомлаган.
Прокуратура органларидаги иш фаолиятини 2005 йилда Денов туман прокуратурасида бошлаб, Сурхондарё вилоят прокуратураси органларида турли лавозимларда, 2011 йилдан Бош прокуратура бошқарма прокурори, Қумқўрғон туман прокурори, Сурхондарё вилояти Музработ ва Денов туманларида ҳоким бўлиб ишлаган.
У 2018 йилнинг ноябридан Сурхондарё вилояти прокурори лавозимида фаолият кўрсатган, 2019 йил сентябрида Фарғона вилоятига прокурор бўлганди.
Сурхондарё вилояти ҳокими вазифасини бажарувчи этиб тайинлангунга қадар Тошкент шаҳар прокурори лавозимида ишлаб келган.
Изоҳ (0)