Ўзбекистон 2016—2022 йилларда локомотивлар паркини янгилаш мақсадида хориждан 59 та локомотив харид қилди. Бу ҳақда “Ўзбекистон темир йўллари” АЖ ахборот хизмати хабар берди.
Хабарга кўра, 11 дона “O‘z-EL”, 7 дона “3ES5K”, 22 дона “2O‘z-ELR”, 8 дона “2O‘z-UY” электровозлари ҳамда 4 та “Афросиёб” юқори ҳаракатланувчи электр поезди ва унинг қўшимча вагонлари харид қилинган.
Ушбу замонавий локомотивларга техник хизмат кўрсатиш жараёнини ташкиллаштириш учун “Ўзбекистон темир йўллари” АЖнинг локомотив деполарни замон талабларига жавоб берувчи керакли жиҳоз ва ускуналар билан таъминлаш мақсадида, Хитойдан 30 дона замонавий стенд харид қилинди. Шу жумладан, Хитойдан 3 дона, Испаниядан 5 дона локомотивларнинг ғилдирак жуфтликларини йўниш дастгоҳи, 2 дона электровоз ток қабул қилгувчини текшириш стенди ва 1 дона локомотив ғилдирак тортув электр двигателни синаш стендлари келтирилди.
Қайд этилишича, локомотив деполардаги локомотивларнинг техник сувини ва мойлаш материаллар сифатини текшириш ҳамда анализ қилиш жараёнини янгилаш мақсадида “Ўзбекистон” локомотив депосига 20 дона керакли лаборатория жиҳозлари харид қилинди. Шунингдек, локомотивнинг тортиш меъёри ва бошқа параметрлари (подшипник ҳароратини, тортув электр двигатель кучланиши, тормозлаш ва тортув режимлар)ни текшириш мақсадида динамометрик вагонга замонавий жиҳозларни Хитойдан харид қилиниб, “Тошкент йўловчи вагонларни қуриш ва таъмирлаш заводи” АЖда қурилди.
Бундан ташқари, 2019 йилда Тошкентдаги Чуқурсой бекатида локомотивларга техник хизмат кўрсатиш цехи қурилди. Юқоридаги харид қилинган замонавий локомотивларни бошқариш ва уларга техник хизмат кўрсатиш, олиб келинган жиҳозларни ишлатиш бўйича ва хорижий етакчи ишлаб чиқарувчи корхоналар билан ҳамкорлик алоқаларини кенгайтириш ва мутахассислар малакасини ошириш мақсадида тажриба алмашиш тизими йўлга қўйилди.
Изоҳ (0)