Косметикадан фойдалансангиз, эртами-кечми кийимингизга доғлар тушиши аниқ. Ҳамма нарсани эҳтиёткорлик билан қилсангиз ҳам кўйлак ёки бошқа кийимларнинг ёқаси вақт ўтиши билан ифлосланиши мумкин. Доғ теккан либосда ўзингизни ноқулай ҳис қиласиз, бироқ кийимларга теккан тонал крем доғларини осон ва тез кеткизишга ёрдам берадиган кўплаб усуллар мавжуд.
Қандай қилиб кийимга макияж доғлари тегишининг олдини олиш мумкин?
Агар тонал крем ёки пудрадан фойдаланмасангиз уйда кийиб юрадиган кийимингизда бўянишингиз ёки унинг халат кийишингиз ва куртка ёқаси юзингизга тегмаслиги учун ҳар доим шарф ёки рўмолни ишлатишингиз мумкин. Бу вариантларнинг бирортаси сизга мос келмаса, бир неча дақиқада муаммони ҳал қиладиган бир нечта фойдали лайфхакларни билишингиз керак.
Доғ текканини сезганингиздан кейин дарҳол уни олиб ташлашга ҳаракат қилинг. Матони ортиқча ишқалаб тортманг, чунки матога сингиб кетган доғни олиб ташлаш анча қийин.
Куртка ёқаси ва ёрқин рангли блузкалардаги тонал крем доғини қандай қилиб осон тозаласа бўлади?
Ҳар хил косметик маҳсулотларнинг доғларини тозалашда энг яхши маҳсулот ёғли асосга эга бўлмаган маҳсулот ҳисобланади. Бу маҳсулотни қўллашда эҳтиёт бўлинг ва қўлларингиз тоза бўлсин.
Мицеляр сув
Пахтали ёстиқчани мицеляр сув билан ҳўллаб олинг ва доғ теккан жойларни яхшилаб артинг. Доғни йўқотишдан олдин пахтали ёстиқчани бир неча марта алмаштириш керак бўлиши мумкин. Намлик қуриб кетгунча кутинг ва тоза бўлган кўйлагингизни кийинг. Ушбу лайфхакни қўллаганингиздан кейин кўйлагингизда ҳеч қандай доғ қолмайди ва нарсангиз янгидек кўринади.
Шунингдек мицеляр сув оқ пояфзалдаги сариқ қопламани олиб ташлашга ёрдам беради ва лаб бўёғи доғларини тозалайди.
Макияжни тозалаш учун ишлатиладиган салфеткалар
Агар офисда ёки йўлда бўяниш пайтида тасодифан кўйлак ёки бошқа кийимингизга доғ томизиб қўйсангиз, оддий салфеткани олинг ва доғни тозалашни бошланг. Доғни матога суртмаслик учун четидан унинг марказига қадар эҳтиёткорлик билан артиб олинг. Салфеткалар ифлосланганда уларни алмаштиринг.
Соқол олиш учун ишлатиладиган кўпик
Суюқ тонал крем ёки ҳар қандай косметик маҳсулот доғларини кўпик билан артиб олсангиз, дарҳол тозаланади. Дунёга машҳур модел Ким Кардашян ҳам бу усулдан фойдаланади.
Доғга озгина кўпик суртинг. Тиш чўткасини олинг ва думалоқ ҳаракатлар билан ишқаланг, кўпикни суртганингиздан кейин 5-10 дақиқа кутинг ва бу жойни совуқ сув билан ювинг. Агар доғ кетмаган бўлса, бу ишни яна такрорланг.
Идиш ювишда фойдаланиладиган суюқлик
Юқоридаги вариантлардан бирортаси сизда йўқми? Ҳеч қиси йўқ, доғга озгина идиш ювиш воситасини суртинг. Уни озгина ишқаланг, сўнгра бўялган жойни сувга солиб ювинг. Идишларни ювиш учун ишлатиладиган суюқлик тонал кремни осон кеткизади, чунки у ёғларни парчалайди.
Кир ювиш совуни
Бундан ташқари, макияж доғларини тозалаш учун нам пахтали ёстиқчага совунли эритмани қўллашингиз ёки ифлосланган жойни совуннинг четига суртишингиз мумкин. Доғ тарқалмаслиги учун буни эҳтиёткорлик билан бажаришга ҳаракат қилинг.
Агар пудра ёки тенни тўкиб юборсангиз ва буларнинг барчаси матога тушган бўлса, уларни ишқаламанг. Кийимни тозалаш учун ёпишқоқ роликдан фойдаланишингиз ва ортиқча пудрани сочни қуритадиган фен билан кеткизишингиз мумкин, асосийси ҳаво оқимини доғ устига эмас, ён томонига йўналтириш керак.
Нашатир спирти ва истеъмол содаси
Нашатир спиртини пахта ёстиқчасининг устига суртинг, доғни артиб олинг ва 10 дақиқага қолдиринг. Шундан сўнг, доғга озгина истеъмол содасини сепинг ва бу жойни юмшоқ шимгич ёки тоза мато билан артинг. Истеъмол содасини қуритинг, сўнгра қўлингиз ёки чўтка билан ҳамма нарсани қоқиб олинг. Шу тарзда, палто ёки курткаларнинг ёқасидаги доғларни осон тозалашингиз мумкин.
Уйдаги кимёвий моддалар
Ҳеч ким доғларни тозалаш учун мўлжалланган махсус маҳсулотлардан фойдаланиб бўлмайди, дея олмайди. Бу маҳсулотлар орасида доғни ювмасдан олиб ташлашга имкон берадиганлари ҳам бор.
Доғни тозалаш воситаси ҳар қандай турдаги кийимдаги доғларни тозалашга ёрдам беради. Формула биоферментлар тизимига асосланган. Роллер янги ва эски доғларни тозалаш учун ишлатилиши мумкин, бироқ кейин кийимни ювиш шарт эмас. Унинг қолдиқларини олиб ташлаш учун доғни нам мато билан тозалаш кифоя.
Асосийси, доғни иссиқ сув билан намлаш, ишқалаш ва кутишдир. Роллер оқ ва ёрқин рангли кийимлар учун идеал восита, у кийим рангига таъсир кўрсатмаслиги учун рангли либосларни ҳаддан ташқари ишқаламаслик керак.
Ушбу доғ олиб ташлаш воситасидан фойдаланиш усули биринчиси билан бир хил, уни қўллаганингиздан кейин кийимларни ювишингиз шарт эмас. Бундан ташқари, кийимингизни ечмасдан туриб дарҳол доғни тозалашингиз мумкин. Уни сумкада ёки иш жойингиздаги шкафда сақлашингиз мумкин. Доғни тозалаш воситаси нафақат тонал кремни, балки қаҳва, соуслар, резавор меваларнинг доғларни ҳам самарали тозалашга ёрдам беради, ушбу восита кийимда ҳеч қандай доғ қолдирмайди.
Изоҳ (0)