Президентнинг тегишли қарори билан, Тошкент шаҳридаги истеъмолчиларнинг энергия ресурсларига ўсиб бораётган талабини қондириш мақсадида бир қатор чора-тадбирлар белгиланди, деб хабар беради ЎзА.
Жумладан, Энергетика вазирлигининг:
- АCWА Power (Саудия Арабистони) компанияси иштирокида Тошкент вилояти Юқори Чирчиқ туманидаги “Ўзсувтаъминот” АЖ ҳудудида қуввати 400 МВт бўлган қуёш фотоэлектр станциясини қуриш лойиҳасининг биринчи босқичи қувватларини (100 МВт);
- China Gezhoubа Group Investment Company Cо., Ltd (Хитой) компанияси иштирокида Тошкент вилояти Юқори Чирчиқ туманида қуввати 700 МВт бўлган қуёш фотоэлектр станциясини қуриш лойиҳасининг биринчи босқичи қувватларини (100 МВт) 2023 йил якунига қадар ишга тушириш тўғрисидаги таклифларига розилик берилди.
Шунингдек, Энергетика вазирлигининг “Ҳудудий электр тармоқлари” АЖ ва “Ўзбекистон миллий электр тармоқлари” АЖга тегишли электр тармоқлари объектларини “Ўзбекистон миллий электр тармоқлари” АЖ ва “Ҳудудий электр тармоқлари” АЖга баланс (қолдиқ) қийматида бериш тўғрисидаги таклифига розилик берилади.
Бунда объектлар барча электр қурилмалари, мол-мулклар, уларнинг техник ҳужжатлари, шунингдек, бошқа муҳандислик тармоқлари ва коммуникациялари билан бирга “Ўзбекистон миллий электр тармоқлари” АЖ ва “Ҳудудий электр тармоқлари” АЖнинг устав капиталидаги давлат улушини ошириш (камайтириш) ҳисобига ўтказилади ҳамда солиқдан озод қилинади.
Аввалроқ Жаҳон банки Ижрочи директорлар кенгаши “Ўзбекистонда қуёш энергетикасини кенгайтириш-2” лойиҳасини амалга ошириш учун 12 миллион АҚШ доллари миқдоридаги молиялаштиришни маъқуллаганди.
Изоҳ (0)