Болгариянинг София шаҳрида давом этаётган бокс бўйича Странжа—2023 мусобақасининг финал баҳслари 26 февраль, якшанба куни бўлиб ўтади.
Бокс федерацияси матбуот хизматининг маълум қилишича, Баҳодир Жалолов (+92 кг) ва Шоҳжаҳон Абдуллаевнинг (-86 кг) рақиблари рингга чиқишда бош тортган. Шу тариқа икки ўзбекистонлик муддатидан аввал олтин медалга эга чиқди.
Жалолов финалда арманистонлик Давит Чалоянга қарши, Абдуллаев эса Винченсо Лиццига (Италия) қарши жанг қилиши керак эди.
Қайд этиш керак, мазкур мусобақада қаторасига учинчи боксчи амалдаги Олимпия ва жаҳон чемпиони Баҳодир Жалоловга қарши жанг қилишдан бош тортди. Чорак финалда Қамшибек Кункабаев (Қозоғистон), ярим финалда эса Муҳаммад Абдуллаев (Озарбайжон) рингга чиқмаганди.
Баҳодир Странжа—2023 мусобақасида битта жанг ўтказди. У 1/8 финалда АҚШ вакили Жошуа Эдвардсни енгди.
Изоҳ (0)