2023 йилнинг 23 февраль ҳолатига кўра, Instagram ижтимоий тармоғидаги энг кўп кузатувчига эга аёл — машҳур америкалик хонанда ва актриса Селена Гомес деб топилди.
.jpg)
Селена Гомесдан олдин бу мақом америкалик тадбиркор ва блогер Кайли Женнерга тегишли эди. Бироқ Instagram’даги энг кўп кузатувчиси бўлган аёлни аниқлаш вақтида Кайлининг саҳифасидаги обуначилар сони 381 миллион кишидан ошмагани маълум бўлган. Селена Гомесни эса 382 миллиондан ортиқ обуначи кузатиб боради.
Оммавий ахборот воситалари Селена Гомес ўзининг Instagram’даги саҳифасини мустақил равишда юритмаслиги ҳақида маълумот берган. Чунки актриса бундан бир неча йил олдин иловани ўзи учун зарарли муҳит деб билгани сабабли уни телефонидан ўчириб ташлаган. Селенанинг профилидаги контентларни унинг ёрдамчиси тармоққа жойлайди. Гомес эса фақат TikTok’дан фойдаланади ва ушбу ижтимоий тармоқни ўзига “камроқ душман” деб билишини айтган.
.jpg)
“Инсонлар мени хунук ёки калтафаҳм деб аташлари мумкин, бу мен учун аҳамиятсиз. Аммо инсонлар ҳамма нарсани батафсил тасвирлаб беришади. Улар шундай аниқ ва шафқатсиз гапларни ёзади. Мен доим йиғлардим, ташвишим бор эди. Бундан бошқа ишни қилолмасдим. Бу вақтимни беҳуда сарфлаш эди. Телефонимда бор ягона нарса — TikTok, чунки уни ўзимга камроқ душман деб биламан. Ижтимоий тармоқларда ажойиб нарсалар: мухлислар билан боғланиш, улар қанчалик бахтли ва ҳаяжонланганини кўриш, уларнинг ҳаётий ҳикояларини кузатиб бориш бор. Мен буни филтрлашни бошладим ва ўзим учун тизим яратдим: ҳар бир ишимни постларни чоп этадиган ёрдамчимга юбораман”, — дейди Селена Гомес Vanity fair нашрига берган интервьюсида.
Изоҳ (0)