Шавкат Мирзиёев топшириғига кўра 21 февраль куни Суриянинг зилзиладан жабр кўрган аҳолиси учун инсонпарварлик ёрдами юборилди.
![](/static/2023/01/nigora/photo_2023-02-21_13-51-14.jpg)
ЎзАнинг хабар қилишича, қарийб 50 тоннага яқин юборилаётган инсонпарварлик ёрдами юки рўйхатига болалар ва катталар учун кийимлар, маиший техника воситалари, чидамли озиқ-овқат консервалари, қуруқ мевалар, ярим тайёр овқатлар, чақалоқлар бўтқаси, одёл ва ёстиқлар, гигиеник воситалар тўплами сингари ҳаётий зарур восита ва маҳсулотлар киритилган.
![](/static/2023/01/nigora/photo_2023-02-21_13-51-15.jpg)
Инсонпарварлик юки ёрдами кўринишидаги ҳаётий зарур восита ва маҳсулотларни самолёт орқали Ўзбекистондан Сурияга Фавқулодда вазиятлар, Транспорт вазирликлари масъул ходимлари етказиб беради.
13 февраль куни Ўзбекистондан Туркияга навбатдаги 6-инсонпарварлик ёрдами юки топширилганди. Турк оммавий ахборот воситаларининг хабар беришича, Ўзбекистон Туркиянинг зилзиладан жабр кўрган ҳудудларига ҳозиргача 170 тонна инсонпарварлик юки жўнатган.