Netflix’нинг “Уэнздей” сериали HBO телеканалининг “Аждар уйи” лойиҳасини ортда қолдириб, 2022 йилнинг энг кўп томоша қилинган сериалига айланди. Буни Samba TV тўплаган статистик маълумотлар тасдиқлади.
.jpg)
Ҳисоботда айтилишича, “Аддамс оиласи” ҳақидаги spin-off 40 кун ичида “Тахтлар ўйини”нинг Таргариенлар ўртасидаги уруши ҳақида сўзловчи “Аждар уйи” сериалига қараганда кўпроқ аудиторияни тўплашга муваффақ бўлган. “Уэнздей” сериалига катта қизиқишни томошабинларнинг ўсмирлар контингенти ва уларнинг ижтимоий тармоқлардаги фаоллиги оширган.
“Уэнздей” ва “Аждар уйи”дан ташқари яна иккита Netflix лойиҳалари: “Монстр: Жеффри Дамер ҳикояси” ва “Қўриқчи” сериаллари премерадан 15 кун ўтиб томошабинлар эътиборини ўзида ушлаб тура олди.
Январь ойида Netflix “Уэнздей” сериалининг иккинчи мавсуми суратга олинишини маълум қилган эди.
Изоҳ (0)