Тошкентда энага ногирон болани калтаклаб, қўрқитиб ухлашга мажбур қилиб, тазйиқ ўтказиб келгани, оқибатда болани аҳволи баттар оғирлашиб қолгани айтилган хабарлар ижтимоий тармоқларда тарқалиб, турли муҳокамаларга сабаб бўлмоқда. Пойтахт ИИBB ҳолат юзасидан маълумот берди.
Аниқланишича, Чилонзор туманида истиқомат қилувчи 1995 йилда туғилган И.Х. ўзининг ногирон фарзандига энагалик қилиш учун 2002 йилда туғилган С.Т.ни ишга ёллаган. Бироқ энаганинг хизматидан шубҳаланган уй эгаси фарзандининг ётоқхонасига кузатув камерасини ўрнатган.
2023 йил 11 февраль куни энага 2017 йилда туғилган К.З.га қўпол муносабатда бўлиб, уриб калтаклагани ҳолати кузатув камерасида қайд этилган. Хонадон эгаси И.Х. шу куни С.Т.ни ишдан бўшатган ҳамда фуқароларни огоҳликка чақириш мақсадида видеотасвирни ижтимоий тармоқларда тарқатган.
Мазкур ҳолат юзасидан Чилонзор тумани ИИО ФMБ томонидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
Изоҳ (1)
Qani video