Кўпчилик инсонлар тўғри овқатланиш қоидаларига риоя қилмайди ва натижада соғлиғи билан боғлиқ муаммоларга дуч келади. Peopletalk нашри саломатликни яхшилашга ёрдам берадиган овқатланиш қоидалари ҳақида маълумот берди.
.jpg)
Ҳар бир таомга сабзавот ёки меваларни қўшинг
Овқатланиш рационингизга сабзавот ёки меваларни қўшинг. Бу жуда оддий ва шу билан бирга самарали қоида. Масалан, нонуштада истеъмол қилмоқчи бўлган бўтқангизга ёки творогга меваларни, тушлик учун рационингизга сабзавотли салатни қўшинг, кейин қуритилган мевалар ёки ёнғоқлар қўшилган егулик истеъмол қилинг, кечки овқат учун эса, бошқа нарсалар қатори, грилда пиширилган сабзавотларини ҳам тайёрланг.
“Тарелка” усулидан фойдаланинг
Бу усулни кунига камида бир ёки икки марта бажаришга ҳаракат қилинг. Тарелканинг 1 дан икки қисмини сабзавот ёки мева, 1 дан тўрт қисмини протеин ва мураккаб углеводлар билан тўлдиринг. Бу оқсил, ёғ, углевод мувозанатини сақлайди ва ва порсия ҳажми ҳам кичикроқ бўлади.
80 га 20 қоидасига риоя қилинг
Парҳезингизнинг 80 фоизи соғломлаштирувчи маҳсулотлардан иборат бўлсин. Бу қисмда сабзавотлар, мевалар, оқсиллар, доналар, ўсимлик мойлари мавжуд бўлгани маъқул. Қолган 20 фоизини севимли (тўғри овқатланишга зид бўлса ҳам) маҳсулотларингизга қолдиринг.
Кўкатларни истеъмол қилинг
Ҳеч бўлмаганда битта асосий таомга қўшимча равишда салат ёки сабзавотлар истеъмол қилинг. Кўпроқ клечаткалар овқат ҳазм қилиш жараёнини яхшилайди ва овқатдан кейин тўқроқ тутишга ёрдам беради.
Бемаҳал овқатланишдан сақланинг
Доимий равишда музлатгичдан бирор нарса олиш, ҳар икки соатда печене билан ишда чой ичиш ва овқат тайёрлаш пайтида овқатланиш — иложи борича бу ишларни қилмаган маъқул. Истеъмол қилмоқчи бўлган маҳсулотларингизни аниқлаб олинг, иложи борича режадан четга чиқмасликка ҳаракат қилинг, фақатгина биргина ҳолатда, жуда оч бўлсангиз қўшимча нимадир ейишингиз мумкин.
Қандли ичимликларни ичишни камайтиринг
Рационингизга кўпроқ сув ва шакарсиз ичимликларни киритинг, улар анча калорияларни тежайди. Суюқликлар юқори калорияга эга эмас, деб қаралади, аммо бу тўғри фикр эмас. Бундан ташқари, агар сиз сутли қаҳвани ёқтирсангиз, иккала маҳсулотни ҳам алоҳида сўранг ва керакли миқдорда фойдаланинг.
Уйдан ташқарида ширинликлар истеъмол қилинг
Агар сиз зиёфат ёки ресторанда ширинлик истеъмол қилмоқчи бўлсангиз, бундай ҳолатда ҳеч қандай тақиқ йўқлигини биласиз. Бироқ уйда шоколад ва ширинликлар бўлмасин, бу қўшимча ва жуда юқори калория васвасаси ҳисобланади.
Ўзингизга қулай тарзда овқатланинг
Ўзингизни нонушта қилишга мажбурламанг. Аслида, овқатланишда ўзингизни бирор нарсага мажбурлашингиз шарт эмас. Агар кўп йиллар давомида нонушта қилмаган бўлсангиз ва буни қилишни бошлаш сизга қулай бўлмаса, қилманг. Бу ҳолатда бошқа овқатларга эътибор қаратган маъқул.
Ўзингизни қулай ҳис қиладиган даражада суюқлик ичинг
Ўзингизни кунига икки литр сув ичишга мажбурлашнинг ҳожати йўқ. Керакли миқдордаги суюқликни истеъмол қилишга ҳаракат қилишингиз керак, лекин ичган ҳар бир стаканни ҳисоблаб, ўзингизни мажбурламанг. Бундан ташқари, кунига икки литр сув ичиш керак, деган фикр хато.
Парҳезингизни режалаштиришга вақт ажратинг
Бир ҳафта ёки бир кун учун меню ёзиш шарт эмас. Аммо буни режалаштириш учун сиз машғулотдан 1,5 соат олдин овқатланишингиз керак, яъни доим ўзингиз билан нима олиб кетиш ҳақида ўйлашингиз мумкин. Олдиндан сумкангизга бир нечта қуритилган мевалардан қилинган батонларни солиб қўйинг.
Изоҳ (0)