Сувсизланиш, остеохондроз: юқори қон босимига нималар сабаб бўлади?

30 ёшдан ошган тахминан ҳар учинчи одам юқори қон босимидан азият чекади. Бу хавотир олишга арзийдиган ҳолат, чунки юқори қон босими инфаркт ва инсулт хавфини оширувчи асосий омиллардан биридир.

Қон босимининг қандай тури хавфли?

Доимий паст босимнинг икки ҳафтадан ортиқ вақт мобайнида 130 га кўтарилиши турмуш тарзини қайта кўриб чиқиш, агар бу кўрсаткич 140 га кўтарилса, шифокор кўригига бориш зарур. Спиртли ичимликларни истеъмол қилиш, чекиш, ортиқча овқатланиш, шунингдек, стресс ва ҳаракатсиз турмуш тарзи гипертониянинг энг кенг тарқалган сабабларидир. Аммо соғлиғимизни катта хавф остига қўядиган баъзи одатлар мавжуд.

Сувсизланиш

Суюқликнинг етишмаслиги ва сувсизланиш организм фаолиятига, жумладан, қон босимига таъсир қилади. Сувсизланганда қон босими одатдагидан сезиларли даражада паст бўлади. Кўп миқдорда сув ичсангиз-у, ўз вақтида ҳожатхонага бора олмасангиз, қон босими сезиларли даражада ошиши мумкин. Шу боис шифокорлар текширувдан олдин ортиқча суюқликдан халос бўлишни маслаҳат беришади.

Витамин етишмаслиги

Албатта, ўз-ўзини даволаш мумкин эмас, аммо витаминларни қабул қилиш ўринли. Шу билан мунтазам равишда қонни биокимёвий таҳлил қилиш, калий ва магний каби муҳим минераллар даражасини кузатиш керак. Калий организмга ортиқча натрийни танадан чиқариб юборишга ёрдам беради, магний эса юракнинг нормал ишлаши ва қон қуйқаларига қарши курашиш учун зарурдир. Шундай экан, диетангизда бу минералларнинг етарли бўлишига ишонч ҳосил қилинг, лозим бўлганда препаратлар шаклида қабул қилинг.

Остеохондроз

Остеохондроз бу фақат эгилиш, елкалар ва бўйин оғриғи, балки юқори қон босими ҳамдир. Гап шундаки, бўйин ва курак мушакларининг доимий зўриқиши қон томирларида спазмлар пайдо бўлишига, мияга етарли қон етиб бормаслигига ва босимнинг ошишига олиб келиши мумкин. Фаол ҳаракатда бўлинг, сузишга боринг, массажлар қабул қилиш учун вақт ажратинг.

Ички касалликлар

Гипертония буйрак, жигар ёки қалқонсимон без фаолиятининг бузилиши каби бошқа касалликларнинг аломати бўлиши мумкин. Ўз вақтида профилактик тиббий кўрикдан ўтиш ва касалликларни дастлабки босқичларда даволаш келгусида бундан-да жиддий оқибатларга дуч келмаслик учун муҳимдир.

Биологик фаол қўшимчалар ва мултивитаминларни қабул қилиш

Ўзбошимчалик билан биологик фаол қўшимчалар ва мултивитаминларни ичиш, ҳаддан ташқари қарамлик, энергия даражасининг қисқа муддатли ўсишига олиб келадиган иммуностимуляторлар ва дори-дармонларни қабул қилиш — буларнинг барчаси босимнинг доимий ошишига, оқибатда гипертония ривожланишига олиб келиши мумкин. Ҳар қандай ҳолатда ҳам ўзбилармонлик билан дори-дармонларни, “зарарсиз” фаол биологик қўшимчаларни, дамламаларни ва халқ табобатининг бошқа маҳсулотларини синаб кўрманг. Тўғри, доривор ўтлар ва уларнинг дамламаларида фаол моддалар концентрацияси препаратларга қараганда камроқ, аммо соғлиққа зиён етказиши учун етарли бўлиши эҳтимолдан ҳоли эмас.

Мавзуга доир:

• Буйракда тошлар, гипертония: ривожланишига биргина туз сабаб бўладиган 4 та хавфли касаллик
• “Қон босимида — кийикўт, подагра учун — бессмертник”. Самарқандлик олимлар дорилар ўрнига шифобахш ўсимликлардан фойдаланишга чорламоқда