Кунига 5 грамм туз катталар учун хавфсиз кундалик меъёр. Афсуски, деярли барча меъёрдан сезиларли даражада ошиб кетади. Соғлиққа зиён келтирмаслик учун шифокорлар кунига 5 граммдан кўп туз истеъмол қилмасликни тавсия этадилар.
Аксарият одамлар доимий равишда кўп туз истеъмол қилаётганини билмайди: озиқ-овқатлар таркибида ҳам кўпгина туз яширинади. Тайёр овқатлар (айниқса, фаст фудлар) натрийга тўйинган бўлади. Тузни мунтазам равишда ортиқча истеъмол қилиш соғлиқ учун ўта хавфли, бу жиддий касалликларнинг ривожланишига олиб келади. Тузни ҳар куни кам истеъмол қилиш орқали сезиларли даражада камайтирилиши мумкин бўлган айрим касалликлар рўйхати билан танишинг.
Ёшга боғлиқ деменция
Колорадо университети мутахассислари беш минг кўнгиллилар орасида тадқиқот ўтказишди. Кузатувлар қондаги натрий даражаси қанчалик баланд бўлса, когнитив бузилиш хавфи шунчалик юқори бўлишини аён қилди. Тажриба натижаларига кўра, 65 ёшдан ошган одамлар тузни мунтазам равишда кўп истеъмол қилсалар, ёшга боғлиқ деменциянинг ривожланиш хавфи 30 фоизга ортади.
Буйракда тошлар
Ҳаддан ташқари шўр таомларни ейиш пешобдаги протеин миқдорини кўпайтиради. Бу буйракда тошлар тўпланиши билан келадиган касалликларга олиб келиши мумкин бўлган асосий хавф омилларидан биридир. Сизда буйраклар билан боғлиқ муаммо бўлмаса, соғлиғингизни асраш учун ҳам кундалик туз миқдорини назорат қилинг.
Ошқозон яраси
Ўз-ўзидан ортиқча туз ошқозон ярасига зарар етказмайди, аммо агар шиллиқ қават “Helicobacter pylori деган бактериялар билан аллақачон шикастланган бўлса, туз истеъмолига бефарқ бўлиш ярамайди.
Гипертония
Туз танада суюқликни ушлаб туради, бу юрак ишлашини қийинлаштиради, оқибатда қон босими ортади. Қон босими мунтазам равишда кўтарилса (130/90 ёки ундан юқори), таомномадаги туз миқдорини кескин камайтиринг.
Мавзуга доир:
- Жигарнинг ёғ босишига сабаб бўлувчи 9 та маҳсулот
- Онкологлар тавсияси: воз кечиш керак бўлган 7 та маҳсулот
Изоҳ (0)