Терингизда ғайриоддий нарсалар пайдо бўлаётганини сездингизми? Агар шу ҳолат бўлган бўлса. сизга зудлик билан преддиабетни аниқлайдиган шифокор керак. Marie Claire нашри қандли диабет касаллигидан огоҳлантирувчи белгилар ҳақида маълумот берди.
.jpg)
Қандли диабет билан оғриган инсонларнинг сони доимий равишда ўсиб бормоқда ва бу биринчи ва иккинчи тур билан касалланган беморлар билан боғлиқ ҳолат. Қандли диабет — инсоннинг қонидаги қанд миқдори жуда юқори бўлган касаллик ҳисобланади. Касалликнинг биринчи туридаги беморларда организмнинг иммун тизими инсулин ишлаб чиқарадиган ҳужайраларга ҳужум қилиши ва уларни йўқ қилиши кузатилади.
Иккинчи тур, аксинча, тананинг етарли миқдорда инсулин ишлаб чиқармаслиги ёки тананинг ҳужайралари инсулинга оддийгина жавоб бермаслиги билан ажралиб туради. Иккинчи вариант тез-тез учрайди — бу диабет ташхиси қўйилган ҳолатларнинг тахминан 90 фоизини ташкил қилади.
Ҳар қандай касаллик сингари, диабет ҳам уни кўрсатиши мумкин бўлган бир қатор белгилар ва аломатларга эга, аммо инсон преддиабет босқичида бўлганида ҳам тана сигналларни юбориши мумкин. Айни пайтда кўплаб инсонларда қондаги қанд миқдори меъёрдан юқори, аммо бу инсонни диабет билан касалланган деб таснифлаш учун етарли эмас. Ўз вақтида тиббий ёрдам олиш ва соғлиғингизга жиддий учун хавф туғдирмаслик учун билишингиз керак бўлган баъзи дастлабки белгилар мавжуд.
Тошма преддиабетнинг “огоҳлантирувчи белгиси” ҳисобланади. У тананинг бир қанча жойларида, оёқдан қулоқгача пайдо бўлиши мумкин. Унинг ташқи кўриниши ҳам ҳар хил бўлиши мумкин, шунинг учун ҳар қандай тери тошмасини етарли даражада эҳтиёткорлик билан даволанг. Қандли диабет билан оғриган беморларда тошмаларнинг бешта тури юзага келиши мумкин:
- диабетик буллёз;
- диабетик дермопатия;
- диабетик липоид некробиоз;
- рақамли склероз;
- диабетик товон синдроми, булар диабетнинг дастлабки белгиларидан дарак бериши мумкин.
Диабетик буллёз — қўл ва панжаларнинг орқа қисмида, шунингдек, оёқ ва билакларда пайдо бўлиши мумкин бўлган оғриқсиз пуфакчалар ҳисобланади. У ташқи кўриниши туфайли “ қандли диабет пуфаги” деб ҳам аталади. Бу ҳолат диабетик нейропатия билан оғриган инсонларда кенг тарқалган бўлиб, диабет натижасида нервлар шикастланади.
Диабетик дермопатия билан билан касалланган беморларда болдирларда қораланган терининг очиқ жигарранг доғлари пайдо бўлади. Улар кўпинча пигмент доғлари каби кўриниши мумкин ва даволанишни талаб қилмайди. Бироқ, бу танадаги бирор бир касаллик юзага келишидан огоҳлантирувчи муҳим сигналдир.
Диабетик липоид некробиози дегенерация билан боғлиқ ёки коллаген некробиози ва оёқларда тошма сифатида намоён бўлади. Сариқ марказга эга терининг кўтарилган ва айрим жойларида қизил доғларни келтириб чиқаради. Ёғларнинг ўзига хос бўлмаган чўкиши туфайли зич бляшка ҳосил бўлади. Липоид некробиоз аёлларда кўпроқ учрайди.
Рақамли склероз— бу қўлнинг ташқи томони териси дағаллашиб, қотиб қолиши. Асосий хавф — бу бармоқларнинг бўғимлари қаттиқ бўлиб қолиши мумкин. Камроқ доғлар янада кенг тарқалади ва билакларга, орқага, тирсакларга ва тиззаларга боради. Дерматологлар касалликнинг тошма шаклини даволашлари мумкин.
Диабетик товон синдроми — терининг шикастланиши натижасида ривожланадиган яралар ҳисобланади. Оёқ териси тўғри парвариш қилинмаса, улар узоқ вақтда тузалиши ва ҳатто инфекцияланиши мумкин. Бу диабетга чалинган инсонларнинг энг заиф жойи ҳисобланади.
Қандли диабет билан оғриган беморларда эҳтиёткорлик билан даволашни талаб қиладиган бошқа тери касалликлари ҳам пайдо бўлиши мумкин. Бу касалликлар:
- эруптив ксантоматоз (кўпинча кўз атрофидаги сариқ ёки қизғиш тошма);
- қора акантоз (тананинг бурмаларида терининг гиперпигментацияси);
- текис қизил ликен (кўпинча қичийдиган папулалар билан);
- орттирилган реактив перфоратив коллагеноз (катта папулалар билан);
- тарқалган гранулома ҳалқаси (кўпинча тўрга ўхшаш пушти ёки бинафша рангдаги тарқоқ тошмалар);
- витилиго (терининг баъзи жойларида пигментациянинг йўқолиши);
- турлича тери тошмалари юзага келганда даволаниш тавсия этилади.
Изоҳ (0)