Mashhurlar doim diqqat markazida bo‘lishni yoqtiradi. Shuning uchun professional yutuqlaridan tashqari, ular muxlislarini unutilmas obrazlar va tashqi ko‘rinishi bilan hayratda qoldirishga harakat qiladi. Shuni ham ta’kidlash kerakki, hech narsa yorqin makiyaj kabi e’tiborni jalb qila olmaydi. AdMe nashri noodatiy obrazlari bilan muxlislarini hayratda qoldirgan mashhurlar haqida ma’lumot berdi.
Margot Robbi 2018-yilda “Quyon Piter” filmining Sidneydagi premyerasida tabiiy makiyajda, biroq ko‘z qovoqlari yorqin rangda bo‘yalgan holatda ko‘rinish bergan.
2019-yilda Kostyum instituti balida Jiji Xadid “qorli” ko‘rinishi bilan barchani hayratda qoldirdi. Uning obrazi haqiqatan ham ajoyib.
Priyanka Chopra ham bu urfdan chetda qolmadi, u o‘sha yili Met Gala’da grotesk makiyajini namoyish etdi. Aktrisa “Alisa mo‘jizalar mamlakati” filmidagi Jinni shlyapado‘zga o‘xshardi va aql bovar qilmaydigan ko‘rinishga ega edi.
Bu obrazdan ko‘proq esda qolarli obrazni Lupita Niongo yaratgan. Uning diqqatga sazovor joyi g‘ayritabiiy ravishda ko‘tarilgan qoshlar va ko‘z-qovoqlariga ko‘p miqdorda surtilgan payetka edi.
Lili Kollinz 2018-yilda Met Gala’da ko‘z yoshlarga o‘xshash qimmatbaho toshli quyuq makiyajda ko‘rinish berdi. Aktrisa Pyero obrazidan ilhomlanganga o‘xshaydi.
Lyusi Boynton ham qimmatbaho toshlarni juda yaxshi ko‘radi. Aktrisa 2022-yilda moda balida qatnashish uchun obraz yaratib, ko‘zlarini toshlar bilan bezatib, tashqi ko‘rinishga o‘ziga xos ta’sir ko‘rsatdi.
2022-yilda FKA twigs g‘ayrioddiy gotik makiyaj bilan atrofidagilarning e’tiborini tortdi. Artistning yuzi kulrang tonlarda avangard chizmasi bilan bezatilgan edi.
Makiyaj bo‘yicha model Marta Xantning obrazini o‘zgacha deb aytib bo‘lmaydi. Biroq uning obraziga o‘ziga xos joziba bag‘ishlagan ko‘zi atrofidagi toshlar yopishtirilmagan bo‘lganida oddiy makiyajdan farq qilmas edi.
Sara Sampayo 2019-yilda chinakam o‘tkir bo‘yalgan ko‘z makiyajini namoyish etdi. Modelning gipertrofiyalangan kipriklari kapalak qanotlariga o‘xshardi.
2016-yilda Bette Midler o‘rgimchak oyoqlariga o‘xshash kirpiklari bilan muxlislarni hayratda qoldirdi.
2019-yilda Selin Dion Met Gala’da oltin rangli obrazda ko‘rinish berdi. Uning makiyaji o‘ziga mos edi. Diqqat bilan qarasangiz, hatto xonandaning qoshlari ham tilla rangga bo‘yalganini ko‘rasiz.
2022-yilda Tom Braun shousida Bella Xadid hatto model uchun o‘zgacha bo‘lgan obrazda tomoshabinlarni hayratda qoldirdi. Uning yuzi yorqin lab bo‘yog‘idan tashqari, qora to‘rli matolar bilan bezatilgan edi.
2023-yilgi Moda haftaligida Doja Kat butunlay qizarib ketgan yuzi bilan omma oldiga chiqib, barchani hayratda qoldirdi. Xonandaning obrazini yaratish uchun uning tanasiga 30 000 ta kristal yopishtirilgan.
Ushbu suratda uning obrazi qanday yaratilganini ko‘rish mumkin.
Izoh (0)