АПЛ. “Манчестер Юнайтед” қолдирилган тур ўйинида дуранг қайд этди 

Футбол бўйича Англия Премьер Лигасининг қолдирилган 8-тур ўйинида “Манчестер Юнайтед” 8 февраль, чоршанба куни “Лидс”га қарши баҳс олиб борди.

Учрашувнинг биринчи дақиқасидаёқ “Лидс” ҳисобни очди. Нонтонинг голи эвазига меҳмонлар ҳисобда олдинга чиқиб олди. 48-дақиқада Рафаэл Варан ўз дарвозасини ишғол қилди. 62-дақиқда Маркус Рэшфорд ҳисобни қисқартирган бўлса, 70-дақиқада Санчо мувозанатни тиклади. Ўйин охирига қадар ушбу ҳисоб сақланиб қолди.

Шу тариқа манкунианликлар очколари сонини 42 тага етказиб, 3-ўринни банд этди.

АПЛ

8-тур баҳси

8 февраль, чоршанба

“Манчестер Юнайтед” – “Лидс” 2:2

Голлар: 0:1 – 1 Нонто, 0:2 – 48 Варан (автогол), 1:2 – 62 Рэшфорд, 2:2 – 70 Санчо.

“Манчестер Юнайтед”: Де Хеа, Диогу Далот (Маласиа, 82), Варан, Мартинес, Шоу, Забицер (Линделеф, 82), Фред, Бруну Фернандеш, Вегорст (Санчо, 59), Рэшфорд, Гарначо (Пелистри, 59).

“Лидс”: Меле, Эйлинг, Вебер, Кох, Стрейк (Фирпо, 23), Адамс, Ҳаррисон (Ааронсон, 63), Маккенни (Гринвуд, 90), Бемфорд (Рюттер, 63), Синистерра (Саммервилл, 8), Нонто (Фернандес, 90).

Огоҳлантиришлар: Маккенни (53), Адамс (56), Фирпо (77), Забицер (80).